حب عن طريق الفايسبوك

الحلقة 8

🌟حہب عہنہ طريہقہ آلَفہآيہسہبہؤُكہ🌟
❌⛔ ممنوع النقل دون اذني ⛔❌
🌸🎀صـــوُنـــــــٌيـــــــّــآ🎀🌸                          
🌹الحلقة 8🌹                                             
شوف انا طفلة كيف كامل لبنات نحب قرايتي قبل كلشي هدفي ندير ليسونس نكمل ماستر او نخدم نعاون بابا على هم الدنيا  حنا عايلة على قد حالها مي محناش عايلة كبيرة كيفكم ....
احمد : شحال عندك من خاوة شوفي حنا رانا في 7 رجال او 3 بنات خاوتي في 4 مزوجين بقينا في 3 او لبنات كامل مزوجين ثاني ...
نهال : ربي ابارك راكم تاع الصح فامي كبيرة مي عجبتني كيفاش راكم متحدين مام كاين مشاكل حاطين اليد في اليد ....
احمد : كيما انت حابة تعاوني بوك على هم الدنيا حنا هكذا مهما صعابت علينا لحياة نوقفو مع بعض ... نهال قوليلي كيفاش تتمني الراجل لي اكون حلالك اذا ممكن تجاوبيني...
هنا نهال حمار وجها ما لقاتش كيفاش ترجع عليه السؤال ساهل مي الجواب راه لاسق في راسها هههه تنهدت فتحت عينيها قالت : بغيتو ما طويل ما قصير حنين لازم اكون عندو شخصية قوية مي يظلم لا أكون حازم في قراراتو مي راسو ما اكونش يابس يعني معزة ولو طارت نتناقشو في كلشي اكون عندو الصبر ما يكذبش اقول الصح حتى او اذا غالط او بزاف حوايج هكذا.....
قعد احمد اخمم ما رجعش عليها ... نهال زعفت او خمت بلي ما عجبوش كلامها ... نهال : في بالي هاذ الراجل مكانش على أرض الواقع ههههه على بيها راك ساكت سور كثرت على ما وصاوني 😌😌😌
احمد : لا كنت نركز على كلامك برك صح هاذ الصفات كامل ملاح مي مستحيل تلقايهم كامل في نفس الانسان  سمعي ربي خلق الانسان فيه حوايج ملاح او حوايج خايبين ذرك كاين أخطأ نقدرو نتقبلوهم او كاين لي مستحيل نتقبلوها او نهار نحبو انسان نحبوه بالشيء لي فيه يعني بيه بخنونتو كيما نقولو مي الخطوط لعريضة لازم تكون مطلوبة كيما الصدق الخدمة شخصية قوية يعني اكون راجل او لحوايج لخرين داخلة في الشخصية تاع كل واحد هنا لمرا لي عليها تقبل ولا ترفض هاذ الشخص ....
نهال انباهرت في الجواب تاعو عرفت بلي هاذا انسان رزين او يعرف واش راه اقول مام لحكاية معاه عجبتها باين مثقف ....
نهال : معليش نسقسيك على المستوى الدراسي تاعك ...
احمد : صراحة اوصلت للباك فوتو او ديتو بمعدل مقبول مي ما قدرتش نكمل قرايتي كانت وضعيتنا ما تسمحش لازم عليا نخدم اتجهت للحياة العملية هكذا مكتوبي مي اجي نهار لي نكمل قرايتي هاذا هز حلمي ...
نهال : صح لقراية مليحة مي خطرات ما عندناش فرصة باش نكملو احلامنا مي مزالك صغير او عندك الحياة قدامك ان شاءالله
احمد : انا ما نكذبش عليك ختي حايب نكمل نصف ديني حايب نزوج نشوف مرتي في داري نشوف أولادي او في نفس الوقت نقرا راه في عمري 29 عام او الوقت ما يرحمش او زيد يما هبلتني على الزواج مي باش تلقاي وحدة تقبل بوضعيتي او بدار  العايلة شوية صعيبة ...
نهال : ربي اوفقك ان شاءالله تلقى لي تقبل بيك ..
احمد : ادعيلي معاك نهال يلحق بالخف هاذ النهار ....
نهال حست بغصة في قلبها ما فهمتش علاش شغل غايضتها روحها الدمعة في عينيها مي المشكل ما فهمتش علاش حست روحها بدات تهبل تاع الصح ...
نهال : خويا تصبح على خير لازم نرقد عييت او نوض بكري ...
احمد : تصبحي بخير ختي نتمنى اذا تعرفي كاش بنت فاميلية حابة تزوج قوليلي او ادعيلي معاك كي تصلي ربي الاقيني بنت حلال ان شاءالله  ....
نهال بدمعة طايحة من عينيها : ان شاءالله خويا تصبح بخير ....
حطت تليفونها ضاق صدرها عليها عيات تتنفس .... دموعها على خدها غايضتها كلامو ... علاش يل نهال تبكي تتكلم مع نفسها انت لي قلتيلو رانا امي برك يعني مام يحكي هكذا عادي هايا يا لالة شوفيلو كاش وحدة تكون بنت فاميلية انت لي بغيتي شوفيلو صارة ياك كيف ختك او تستاهل تتهنى في حياتها او هو باين بلي راجل مليح او حاط رجليه في لرض خاطيه هاذوك الصوالح ... اه يا ربي ويكت أدق قلبي لراجل  حتى انا نحس بالحب حتى انا نولي كيف كامل لبنات لي في السن تاعي ... قعدت تخمم حتى رقدت الدمعة في عينيها  غايضتها عمرها لا حبيب لا والو كيف نتاجاتها....
#يتبع