🌟حہب عہنہ طريہقہ آلَفہآيہسہبہؤُكہ🌟
❌⛔ ممنوع النقل دون اذني ⛔❌
🌸🎀صـــوُنـــــــٌيـــــــّــآ🎀🌸
🌹الحلقة: 56🌹
نهال: راك تحكي صح ولا تتمسخر عارف وش تحكي...
هزلها راسو: ايه نحكي صح ودرك روحي حليها من عندك لانو انا قبل مانسافر هذاك اليوم طلبت بابك وقتلو نحتاجك...
فلاش باك ➡️
احمد: الو سلام عليكم... عم حميد سالمي...
حمييد: ايه انا هو تفضل...
أحمد: انا أحمد ميمون... نحب نتلاقاك فقضية مهمة وباسرع وقت
حميد: غير الخير ولدي...
أحمد غير الخير عمي... تساعدك بعد ساعة فلقهوة ***
حميد: ايه تساعدني وليدي شوي نكون عندك...
•بعد مرور ساعة
دخل حميد للقهوة... رفد تلفونو يطلب فرقم لي طلب... حتى يشوف في واحد يشاور عليه... توجه لعندو صافحو وقعد معاه على طاولة...
أحمد: منطولش عليك عم حميد... انا جيت طالب راغب في بنتك نهال ليا من بعد إذنك طبعا....
حميد: وانت وين تعرف بنتي...
أحمد: والله ياعمي نكدب عليك لو كان نجاوبك اما الي نقولهولك... بنتك اشرف بنت عرفتها تربية واخلاق وحنانة بزيادة...
حميد: يشرفني تحكي على بنتي هكذا... اما وش راح نقلك... الي فيه الخير ربي يقدمو... اما عندي طلب... ولا نقولو رجاء...
أحمد: تفضل عمو طلباتك اوامر... نحبك تحطها في عينيك.. متقهرهاش لحقيقة الطفلة تمر بظروف صعيبة... مع الوقت تحكيلك هي ... والاهم من هذا الكل تحميها
أحمد: هذي متحتاجش نقاش... نحطها فعينيا وتاج فوق راسي...
فلاش اند ⬅️
نهال تلاحت عليه حضناتو وتبوس فيه من كامل وجهو...
نهال: بعني انت راح تكون راجلي... هههه متوقعتش والله لانك ماقتليش بالي تلاقيتيه... ههههه رجعت حضناتو احمد انا ليك.. مأمنتش مانيش مأمنة...
أحمد: آمني حبي آمني... قتاك ماتكوني غير ليا وحدي... نحرق عليك لخضر واليابس...
هنا تقول واحد ضربها بكف... رجعت عبست...
احمد: وشنوفة هذي علاه اممم كنا فرحانين درك...
نهال: هو... هو الموضوع ثاني
أحمد: وانا موضوع ثاني...
نهال: نقلك وما تتغشش مني اممم...
أحمد: احكي وانا نقرر...
نهال: عندي ولد عمتي ( حكاتلو كامل لحكاية )... وهددني كون منكونش ليه يحرقني... هو مجنون ويعملها...
أحمد يسمع من ذون ردت فعل... خلاها تستغرب تصرفو...
نهال: أحمد علاه سكتت.. هههه أكيد تراجعتي بعدما سمعتي صح...
أحمد هنا هاج: ع***تشوفي فيا **** اااااه... نلعب انا حتى نتخلى عليك...وش لعقلية الي عندك...سكتت لانو هاذو تهديدات ميأتروش فيا...الي مقلقني وقتاه كنت ناوية تحكيلي حتى يقتلك ولا... اااااه اول ماحكينا فهمتك انت بنتي قبل ماتكوني مرتي... علاه خبيتي عليا... قربلها نحالها شال الي كانت حطاتو...
أحمد: وش هذا علاه رقبت زرقة بكلها... ما تقوليليش تعدى عليك...
نهال 😢دموعها شلال: خنقني كما قتلو تقعد غير انت فدنيا منكونش ليك...
احمد: سب سبان نتع كرة الارضية الكل.... انا ن***يمسلي مرتي وانا راقد فدار... مسح وجهو ملاحة هذي... وانت الالة فمط فيه طمينة حتى متقوليليش...
نهال: خفت والله خفت تعمل حاجة نخسر بيها... خفت تخليني...
أحمد ضرب طاولة:يالا نوضي...ازربي روحك نفري لحاية هذي ونتفاهمو عليها سمعتيني...ودرك نحب اسمو عنوانو...
نهال:احمد ماتتهورش...متادنيش بيك...راهو مجنون...
احمد:وانا المهابل نتع ربي لكل فيا...متلهنيش اسمو وعنوانو درك...واطلعي نوصلك...ولينا مفاهمة اخرى...سمعتيييي..
نهال:احمد متخوفنيش حرام عليك..قلبي واجعني...
احمد: كنت تخمي فيها من قبل الالة.. ودرك اطلعييييي
يتبع
YOU ARE READING
حب عن طريق الفايسبوك
Romanceنحلاتي 🐝🐝🐝جيتكم بالجديد 💥💥💥 قنبلة الموسم حاجة منطرحتش من قبل 🍁🌺 كرونيك جديد 💃💃💃💃فقط معايا انا 🌺🌸🌺🌸 🕸☠️śŏŋặí☠️🕸 كرونيك تحت عنوان 🍁🍁 ⚔️حہبہ عہنہ طريہقہ آلَفہآيہسہبہؤُكہ⚔️ ❌⛔ممنوع النقل دون اذني ❌⛔ 📝كرونيك كاملة 📝 🎀🌺حب عن طريق ا...
