Kissing You Hello

Hope Springs Eternal

"Hello, si Jan Marie Cordova ba 'to?"

Pinanood ni Becca ang pulis habang kausap nito ang kapatid niya. Humantong siya sa presinto dahil sa insidente sa bar. Pinahatid na lang niya si Joaquin sa isang staff ng bar pagkatapos niyang tawagan ang admin ng building nito.

Saglit na tumigil sa pagsasalita ang pulis. Mayamaya ay nagpatuloy ito.

"Ah, si PO3 Palma po 'to ng Manila Police District, Ma'am. Kakausapin daw kayo ng kapatid n'yong si Miss Rebecca."

She reached for the phone. Landline ng police station ang gamit niya dahil sira na ang sarili niyang cellphone. It must have fallen from her pocket while she was fighting Joaquin's girlfriend. Ngayon ay basag na ang screen nito at ayaw na gumana.

"Hello, Jan? Sunduin mo ako dito, tawagan mo si Attorney."

"Ano'ng ginagwa mo d'yan, Ate?!" Matinis na matinis ang boses ng kapatid niya.

"Mahabang kuwento. You still have the money, right? Kausapin mo si Attorney, ilabas kamo niya ako dito. There is no way I'm sleeping here tonight!"

"A-Ate, bawas na po 'yong pera. Ipinambayad ko sa kalahati ng bills ni Mommy."

"Okay lang. Kailangan ko lang bayaran 'yong piyansa."

"Sige. Hintayin mo kami d'yan."

Pagkatapos nilang mag-usap ay ibinalik niya sa pulis ang telepono. She felt stares drilling on her back. Paglingon niya ay matalim ang tingin sa kanya ng lalaking kasama ng girl friend ni Joaquin.

She flipped him the bird. Lalong nagdilim ang mukha ng lalaki. Akmang susugod ito sa kanya pero pinigilan ito ng isang pulis. Becca scoffed.

"Jerk."

"Bitch," ganting pasaring ng lalaki.

She rolled her eyes.

"How original. Tell me something I don't know."

Walang naisagot ang lalaki.

Hindi rin naman nagtagal ang paghihintay ni Becca. Dumating and abogado niya at ito ang nakipag-usap para sa kanya. She kept her mouth shut against the accusations and stared at her fingernails instead.

Dumating si Jan Marie habang kausap ng abogado nila ang isang pulis at abogado ng kabilang partido. Kasunod ng kapatid niya si Menchu. Her sister doesn't know shit about commuting so she was thankful that Menchu is there for her.

Hangos na lumapit sa kanya si Jan Marie.

"Ate! Bakit ganyan ang hitsura mo?"

"Your sister is charged with assault. Nasa ospital ang nakaaway niya," sabi ng abogado nila.

"Assault, my ass! It was self-defense!" pagtatama niya.

"My client suffered multiple injuries. Hindi mukhang self-defense 'yon. Anyway, magkakaalaman naman 'pag na-review na ang CCTV ng establishment. Gusto kong ipaalam sa inyo na hindi kami magdedemanda kung sasagutin n'yo ang bayarin sa ospital. And of course, hindi na tayo aabot sa korte. Pwede naman nating pag-usapan nang maayos."

"Sinasabi ko na nga ba! Peperahan lang kami ng babaeng 'yon! Kunwari siya ang biktima. My god!" bulalas ni Rebecca.

Hindi siya pinansin ni Jan Marie. Bagkus ay sa abogado ito nakipag-usap.

"Attorney, ibig bang sabihin papayag kayo sa isang amicable settlement?"

"Yes. Ayaw din ng kliyente ko na umabot pa sa korte 'to. It is a waste of time sa part n'yo, sa totoo lang. Maraming witness ang client ko na ang kapatid mo ang nagpasimuno ng gulo."