Kissing You Hello

Blood is Thicker Than Water

Napansin ni Becca ang pandidilat ng mga mata ni Jan Marie sa narinig mula sa lalaki. Kahit pati siya ay halos hindi makapaniwalang tama ba ang dinig niya dito. Pero dahil kilala niya ang likaw ng bituka ni Maxwell, hindi siya ganoon kadaling nauto.

"She told me bago pa man kayo ikasal. Plano ng Lolo mo na 'wag ipa-register sa Civil Registrar ang kasal n'yo dahil nagpapanggap lang naman si Jan."

Napapalatak si Maxwell. Hinapit nito sa tagiliran si Jan Marie na parang hindi pa nakaka-recover sa shock nito. Parang balewala sa lalaki ang nalaman. At kung makahawak si Maxwell sa kapatid niya, aakalain mong takot itong mawala si Jan Marie. Lihim na napaismid si Becca. Magaling din umarte itong Quintanar na 'to.

"Rehistrado na. I made sure of that."

Si Becca naman niya ngayon ang nagulat. "I-Ibig bang sabihin nito, alam mong magkasabwat ang Lolo mo at si Jan?"

Tumango si Maxwell.

"K-Kailan pa?" tanong ni Jan Marie.

Maxwell smiled down at Becca's sister. Ano'ng drama ng lalaking ito at kung umasta ay akala mo in love sa kapatid niya?

"Naalala mo noong binisita ako ni Lolo? May dala siyang documents tungkol sa trabaho na nangangailangan ng pirma ko. Hindi sinasadyang nasama sa mga papel na 'yon ang marriage contract natin nang ilabas niya sa satchel. Kaya 'yon, huli."

"H-Hindi ka galit?" paniniyak ni Jan Marie.

"Nope. Pero mamaya na natin pag-usapan 'yan, gutom na ako eh." Tinapunan ng tingin ni Maxwell si Becca. "And whatever you say, we will remain married. Jan Marie is my wife now whether you like it or not."

Imbes na mapanatag ay naningkit ang mga mata ni Becca. Nakakaamoy talaga siya ng malansa sa intensyon ni Maxwell Quintanar. She has seen a lot of men like him. And she'll be damned if she lets him take advantage of her sister's naivete. Jan Marie may be a legal adult but she is far too sheltered and inexperienced with the ways of the world.

"Ano'ng binabalak mo sa kapatid ko, Maxwell? Hindi ako naniniwalang basta mo na lang palalampasin ang panlolokong ginawa ni Jan at ng Lolo mo unless you're hatching some plan."

"You wound me, Becca. True, I may not be in love with your sister but I like her. Naniniwala akong eventually ay matututunan ko siyang mahalin. Pera man ang dahilan kung bakit niya ako pinakasalan, I'll make sure na makikita niyang there is more to the man behind the name and reputation, enough to fall in love with me in return."

"Rubbish! Hindi siya ang tipo ng babaeng magugustuhan mo, Maxwell. So cut the crap. Let my sister go and let her live her life. She's too young to be caught up in this sham."

"Tell me, Becca, ano ba ang gusto ko sa babae? Mukhang alam na alam mo eh, i-remind mo nga sa akin baka nakalimutan ko lang," hamon ni Maxwell.

"Of course I know the type of women you usually go for! Sa haba ng mga pumipila sa 'yo, iisa lang ang uri nila. Sophisticated, strong and career-oriented women. Mga babaeng hindi takot na i-pursue ang gusto nila."

"Tsk. Sa description mo, isa ka na doon. Pero umubra ka ba sa akin, Becca? Sa dami n'yong pumipila---your word---hindi ka man lang ba nagtaka kung bakit ni isa walang nagtagumpay na masilo ako?"

Natigilan si Becca. "Oh. Of course it must be because you're too picky."

"Wrong." Lalong hinapit ni Maxwell si Jan Marie palapit sa katawan nito. Hinalikan pa nito ang buhok ng kaaptid niya. "Because this right here, is the woman of my dreams. Beautiful, strong at gagawin lahat para sa mga mahal niya. A woman who does not care about her looks but looks beautiful just the same because of her equally beautiful heart."