Lunatic Series 1: WYATT JAMES LACSON

KABANATA 9

PASASO ALAS singko y medya ng hapon nang isara ang coffee shop. Pagod ang dalaga. Sa kalalakad ba naman paroon at parito para i-entertain ang kostumer para bigyan ng order nito.

Hindi pumasok si Lany dahil may importante itong pinuntahan, kaya mag-isa siyang uuwi ngayon.

Pagkalabas niya palang sa coffee shop ay mayroon na kaagad siyang nakitang taxi, kaya naman pinara niya kaagad ito. Nang huminto ay pumasok na siya dito. Sinabi niya kung saan siya patungo. Katulad sa nagiging reaksiyon ng mga driver kapag sinasabi niya ang lugar ay ganoon din ang naging reaksiyon ng driver ng taxi na sinasakyan niya ngayon. Sanay na siya sa ganoon kasi kahit siya, suot-suot niya din ang ganoong reaksiyon sa bawat banggit niya sa pangalan ng barangay nila sa tuwing sumasakay siya sa mga sasakyan papasok sa barangay nila.

Wala si Lany kaya tahimik ang naging b’yahe niya pauwi. Excited siya dahil makikita niya nang muli ang kaniyang ina at masaya siyang alagaan ito.

Mahina na ang kaniyang ina. Gusto niyang mapagamot ito pero wala siyang sapat na pera para doon. Tanging gamot lang ng nanay niya ang kaya niya. Naipapatingin niya naman sa Doktor ang kalagayan ng ina ngunit dalawang beses lamang sa isang buwan. Kung sana lang ay mayaman sila, hindi na sana siya nagpapakahirap magkayod para sa kanilang dalawa ng ina. Kaso mahirap sila.

Hindi siya nagsisisi sa naging buhay niya. Mayaman naman siya sa pagmamahal na binibigay ng kaniyang namayapang ama at ang ngayon na mahina niya ng ina.

Her father died because of an accident. Her father was a construction worker.

Inatake ito ng stroke habang nasa taas ito ng building na itinatayo. Mula sa taas, nahulog ito pababa, na naging sanhi ng pagkamatay nito. Nag-aaral pa siya noong mga panahon na ‘yon.

Nang mawala ang haligi ng kanilang tahanan, napilitin siyang tumigil na lang sa pag-aaral. Sayang nga lang, dahil malapit na sana siyang matapos sa kurso niya. Gusto niya sanang ituloy kaso pinaglalaruan yata siya ng tadhana. Kung saan nag-iipon na siya para sa balak na pagpatuloy sa pag-aaral doon naman nagkasakit ang kaniyang ina. Kaya wala siyang ibang pagpipilian kung hindi ilaan ang pera para sa gamot ng ina. Doon na rin siya naghanap ng trabaho.

Luckily, Henry’s coffee shop was looking for an employee. So she took the opportunity to apply. At natanggap naman siya kaagad sa tulong ng kaniyang kaibigan na si Lany na dati nang nag-tatrabaho sa coffee shop na iyon.

Ang hirap maging mahirap. Sa isip-isip ni Aloha. Nagpakawala na lang siya nang malalim na buntong-hininga.

Sa pag-iisip ay hindi niya napansin na huminto na pala ang taxi kung hindi pa nagsalita ang driver nito.

“Sorry, Manong. Malawak kasi ang pinuntahan ng isip ko, kaya hindi ko napansin na narito na tayo. Ito po ang bayad.” Paghihingi ng paumanhiin ni Aloha sa taxi driver saka binigay ang two hundred pesos dito.

“Ayos lang, ma'am.” She just nodded and stepped out from the taxi.

Pagkalabas ni Aloha ay kaagad naman na pinaikot ng driver ang taxi saka umalis.

Napansin kaaagad ni Aloha ang kulay pulang sasakyan. Kilala niya na kung kanino iyon. Umiling siya saka naglakad na sa gate ng bahay nila na gawa lamang sa kawayan ang pinto nito, saka may mga nakalagay na lata ng sardinas na nag-iingay sa tuwing ginagalaw ang pinto. Ito rin ang nagsisilbing palatandaan kapag may taong papasok. Nakabukas iyon. Hindi na naisara nang pumasok doon.

Nang nasa pinto na siya ng bahay nila kaagad niyang napansin ang mamahaling sapatos na nasa gilid ng pinto.

May mga boses rin siyang naririnig. Nangingibabaw ang baritonong boses ng lalaki na kilala niya na kung sino. Narinig niya rin ang mahinang hagikhik ng kaniyang ina.