Lunatic Series 1: WYATT JAMES LACSON

HULING KABANATA

HINDI MATIGIL sa kakaiyak si Aloha. Lalo pa’t patuloy ang pag-agos ng dugo sa katawan ni Wyatt. Akala niya kanina ay wala na ito. Nawalan lang pala ito ng malay tao.

“Ma’m, Sir, hanggang dito nalang po kayo,” ani ng Nurse kina Alexander, Aloha and Travis nang makarating sila sa operating room ng hospital.

“Gusto kong pumasok,” umiiyak na tugon naman ng dalaga.

“Pero hanggang dito lang kayo, ma’m. Bawal na po kayong pumasok sa loob!” Pagsusuway ng Nurse.

“Dito na lang tayo. Let’s just wait here.” Hinawakan ni Alexander ang balikat ng dalaga matapos niya iyong sabihin.

“P-Pero... Gawin niyo po ang makakaya niyo. Iligtas niyo po ang ama ng magiging anak ko,” sumusukong aniya habang ang luha niya’y patuloy pa rin sa pag-agos.

“Gagawin po namin, lalo na po ng Doctor natin, ang lahat nang makakaya namin para mailigtas siya,” ngumiti nang pilit ang Nurse. Hindi rin kasi ito sigurado. Baka mabigo sila.

Pinasok na sa operating room ang Nurse upang makatulong sa pag-oopera kay Wyatt. While Aloha and Wyatt’s friends just sat on the waiting area.

As the time goes by, Aloha couldn’t help herself to overthink what might be happened in operation. Buti nasa tabi niya lang si Alexander at Travis kaya napapakalma siya nito. Pero ang pagluha, iyon ang hindi niya mapigilan.

Kahit anong pagpipigil niya na huwag maiyak, lalo tuloy na bumubuhos ang mga luha niya.

Nang dumating sina Lany at Cassandra ay kaagad ng mga ito na niyakap ang dalaga para ipahiwatig dito na magiging maayos ang operasyon ni Wyatt.

Pinakalma nila ang dalaga dahil masama iyon para sa pagbubuntis niya. Baka mapaano ang bata sa sinapupunan nito. Masama pa naman iyon para sa buntis, baka duguin ito. Gayong wala pa itong check up.

APAT NA ORAS na ang dumaraan. Hindi nila mapigilan na mag-isip kung anong magiging resulta. Napatayo lang sila na ng operating room ang Doctor na nag-opera kay Wyatt. Walang pagda-dalawang isip na lumapit dito si Aloha.

“Kumusta po si Wyatt. Kumusta po ang naging operasyon?” sunod-sunod na tanong ng dalaga sa Doctor.

“Maayos ang naging daloy ng operasyon. Naalis na namin ang mga bala sa katawan niya. Maraming dugo ang nawala sa kaniya. Kailangang masalinan ito kaagad. Ang problema wala na kaming dugo na kapareho ng blood type ni Mister Lacson. Naubos dahil nagsalin kami ng dugo doon sa mga biktima ng aksidente kuma-kailan lang,” tugon nito.

“Ako po, Doc. I’m willing to do blood transfusion. Magkapareho naman kami ng blood type.” Pagbubuluntaryo ni Alexander.

“Ako rin po, Type B+ din po ako,” singit naman ni Travis.

Hindi man halata pero nagulat doon sina Aloha, Lany at Cassandra. Hindi nila lubos akalain na magkakapareho ng blood type ang tatlong magkakaibigan.

“Magsisimula na tayong magsalin ng dugo. Mas mabilis, mas maganda. Para bago natin ilipat si Mister Lacson sa kaniyang private room ay nasalinan na ng dugo,” ani ng Doctor.

“Sige po, Doc,” magkasabay na tugon nila Alexander at Travis.

Nagsimula na ang Doctor na maglakad kaya sumunod na ang dalawa dito.

Samantalang sina Aloha, Cassandra, at Lany ay umupo na lamang sa kaninang inupuan nila.

“Kaya naman pala pareho-parehong baliw kasi pareho-pareho ang blood type nila. Baka magkakapatid talaga sila?” ani Cassandra.

“Baliw ka. Paano sila magiging magkakapatid gayong iba-iba ang magulang nila?” ani naman ni Lany saka kinaltukan ang dalaga.

“Malay mo ampon lang sila. Tapos galing talaga sila sa ampunan.” Laban pa rin ng dalaga na hinhimas ang bahagi ng kaniyang ulo na kinaltukan ni Lany.