دخل بطلته العسكريه وجسمه المعضل بحيث لقميص طابك عل جسمه ، مشيته رزنه وكلهاا رجوله لزم شواربه وهو يباوع عليه، ابتسم ابتسامه مخيفه ونزل لنظارات الجان لابسهاا ونزع ساعته وكعد مقابيله
-اي كلي شلونهاا الضيافه
بتلبك-سيدي والله ماقتلت احد صدكني
بهدوء-واني شوكت كلت قتلت؟
-سيدي اني وحيد اهلي فدوه لتسويلي شي
ابتسم-هسه جاي نسولف ماراح اكص راسك
سكت ومجاوبه،،
-اي مكتلي شلونهاا الضيافه
-اني ممسوي شي ليش عذبتوني
رجع ظهره عل كرسي-كلهاا من اعتقلها تكول هلكلام ف شبعان منه اريد حديث جديد ممطروق
باوعله بخوف مسح جبينه-جنت مضطر
-شنو الجبرك؟
-الفقر
-الفقر يخلي شخص يقتل صح ؟
-تكدر تكول العوز خلاني امد ايدي واطمع
.....
يفتر بالغرفه كال برود-ماعرف اني جنت بمهمه وهسه بشوفتج التسد النفس خربت كل الخطط
خزرته-اني شوفتي تسد النفس؟
باوعلها بعصبيه-شوفي ولج ابقي ساكته ونفس ماسمعلج احسلج ولتسوين ميانه وياي لحد هسه مانسيت سوايتج
……………………
ضحكت والدمعه لالت بعيني
اردفت بقهر -تدري شكد جنت منتظر هل لحظه الاشوفك بيها ، جنت مخطط ومرتب كلشي لهاي اللحظه ،لكن متوقعت ننجمع هيج ،لانوب الابن نقيب والاب ارهابي!! شي عجيب مو؟باوعله مصدوم - هذا انت؟ معقووله
…………………
مشاهد من المستقبل، ،روايتي القادمه
غير مبري الذمه الي ينشرها او ينسبها لاسمه
#الكاتبه_سجى_المالكي
#في_وسط_بغداد
تصويت لطفا+متابعه للحساب..
حفظوها بالمكتبه ❤️
شاركوا ويا اصدقائكم
أنت تقرأ
في وسط بغداد
Mystery / Thriller"تدور احداث الروايه حول صديقان منذ الطفوله تفرقهم الحرب لي يلتقوا فيما بعد وكل منهم يحمل هَم اقسى من الاخر" المعنى الحقيقي ان الاخ سند لاخته والصديق وقت الضيق.. لا احلل من ينسبها لاسمه " او ياخذ فكره منها "