<في وسط بغداد>
بارت 13،
#للكاتبه_سجى_المالكي
تصويت لطفاً وتعليق عل كل فقره
^^^^^^^^^^
هِنيالكُم
يبَعد رُوحي
صدُك هٌنيالكُم
إبالي تتمَشون ليّل ونهَار
عَاد خلوني لحظه إبالكُم
^^^^^^^
عام2010....
دخل بطلته العسكريه وجسمه المعضل بحيث القميص طابك عل جسمه ويريد ينشگ من شده العضله اللي بايده مشيته رزنه وكلها رجوله
لزم شواربه وهو يباوع عليه، ابتسم ابتسامه مخيفه ونزل النظارات الجان لابسها ونزع ساعته وكعد مقابيله
-اي كلي شلونها الضيافه
بتلبك-سيدي والله ماقتلت احد صدكني
بهدوء-واني شوكت كلت قتلت؟
بخوف-سيدي اني وحيد اهلي فدوه لتسويلي شي
ابتسم-هسى جاي نسولف ماراح اكص راسك
سكت ومجاوبه،
-اي مكتلي شلونها الضيافه
-اني ممسوي شي ليش عذبتوني
رجع ظهره عل كرسي-كلها من اعتقلها تكول هلـ كلام فـ شبعان منه اريد حديث جديد ممطروق
باوعله بخوف مسح جبينه-جنت مضطر
-شنو الجبرك؟
-الفقر
-الفقر يخلي شخص يقتل ،صح ؟
-تكدر تكول العوز خلاني امد ايدي واطمع
-اي حقك بما انو عايش بالعراق
-سيدي الله يخليك لاتسجني
-هلـ شي بيد المحكمه الي عليه اطبق القانون
كام واخذ نظاراته وساعته وطلع توجهه لمكتبه وامر الجنود يكملون تعذيب بالقاتل
رن موبايله ابتسم-ها ميس
ميس-فيصل وينك متكلي من الصبح مالكيتك
فيصل-شغل عندي شنو متعرفين طبيعه شغلي لحد هسه
-مو تعرفني اخاف اظل وحدي
تنهد-روحي عد امي وسليل غيري جو
-تمام بس حاول لاتتاخر
-ماشي يلا بيباي عندي كومه شغل فوك راسي
سد الخط وبدا يقرا بالسجلات التخص القضايا
مر الوقت وصار الظهر رجع للبيت لكا ميس بالمطبخ ،شال ابنه زين العابدين
ابتسم-بابا حبيبي شلونك يروحي
هنا زين عمره سنتين
اجت ميس-هاا فيصل اجيت
-لا بعدني بالطريق
أنت تقرأ
في وسط بغداد
Mystery / Thriller"تدور احداث الروايه حول صديقان منذ الطفوله تفرقهم الحرب لي يلتقوا فيما بعد وكل منهم يحمل هَم اقسى من الاخر" المعنى الحقيقي ان الاخ سند لاخته والصديق وقت الضيق.. لا احلل من ينسبها لاسمه " او ياخذ فكره منها "
