<في وسط بغداد>
البارت لْـ7
#للكاتبه_سجى_المالكي
'غير مبري الذمه الي ينشرهاا دون علمي'
تصويت للبارت ومتابعه للحساب لطفاً
علقوا عل كل فقره ❤️
^^^^^^^^^^
بضجر-يمعود فضنا لايشوفنا واحد وننكمش ويطيح حظنا وتصير سالفه جبيره
-بعدها ماجت دصبر شبيك
يتلفت للطريق كال بملل-وشوكت تجي ست الحسن، عبالك سندريلا
فيصل-احلا منها ياسندريلا يادنيا
قصي-هسه عوف سوالف الحب عدنه امتحان فيزيا لانتاخر الربح بحبيبتك
عكد حاجبه بضجر-شو ماكو مابينت خاف صايرلها شي
ضحك-ولك دعوفها شلزكت يا اخي
فيصل-خاف متأخره اليوم عن الدوام خطيه بسلا عدها امتحان نوب يروح عليها الامتحان
قصي باوع للطريق شافها تمشي وعينها بكتابها ضربه عل جتفه
وكال-شوف اجت سندريلا
التفت فيصل ونرسمت الابتسامه عل وجهه وعدل قميصه
وتقرب منها وكال-صباح الخير ياوجه الخير
فرحه بخجل-صباح النور
توتر وماعرف شنو يحجي اخر شي كال-احم شنو اسمج
-فرحه
ابتسم-اويلي هو انتِ فرحه كلبي فعلا اسم عل مسمى
ابتسمت ومشت،
اجا قصي-ها بشر شصار
ابتسم-اسمها فرحه
غمه-امداك عبالي اعترفتلها بحبك
فيصل-ولك استحي ماكدر ممسويها قبل
قصي-جبان
ضربه بالكتاب-دنجب مو جبان غير خجول
-ديلا دمشي تاخرنا عل مدرسه
فيصل-اففف لو بيدي اضل اكابل حبيبتي يامدرسه يابطيخ
باوعله-منو يريد يصير ضابط ابوي
ضحك-اهووو دمشي يلا
مشوا الولد لمدرستهم وطبعا هم صاروا خامس اعدادي وفيصل حب بنت جيرانهم الي هي فرحه ويوميا يوكف براس الشارع ينتضرهاا تطلع وتروح لمدرستها حتى يشوفها وماعترف بحبه الها ولا هي يعني حبهم بنظرات وتعرفون حب ذاك الزمن حب نقي ويختلف عن هذا الجيل والزمن،
للعلم هنا الحدث بسنه 2001
..........
ام فيصل-سمعت الاخبار
ابو فيصل تنهد وكال- اففف الوضع مايطمن والريس ماناوي يجفي الشر
-يعني الا يسوي حرب ويا امريكا ويبهذل احوالنا تونه طلعنا من حرب ونطب بحرب ثانيه
أنت تقرأ
في وسط بغداد
Mystery / Thriller"تدور احداث الروايه حول صديقان منذ الطفوله تفرقهم الحرب لي يلتقوا فيما بعد وكل منهم يحمل هَم اقسى من الاخر" المعنى الحقيقي ان الاخ سند لاخته والصديق وقت الضيق.. لا احلل من ينسبها لاسمه " او ياخذ فكره منها "
