في وسط بغداد

البارت الـ11

<في وسط بغداد>

البارت الْـ11،

#للكاتبه_سجى_المالكي

علقوا عل كل فقره ونطوني ارائكم

______

اصبحنا لا نلوم الغرباء فالمقربين فعلوا الأسوأ،

____

دخل قصي للقاعه وبلش الامتحان وهو يرد الحل للمساعد والمساعد يكتبله الى ان انتهى الامتحان وطلعوا الطلاب
اجا فيصل ساعد قصي يكوم وكعده بالكرسي وطلع من المدرسه جان ابوه منتظرهم و وصلهم للمستشفى

تمدد قصي-اخخ ايدي

فيصل-يلا عدت سلامات

-هم زين جانت الاسئله سهله

-الله لطف بحالتك

-اي وانت جاوبت؟

-الحمدلله

-شو نعست اني

-يجوز بسبب الادويه خلتك تنعس

-لعد خل انام لان تعبت اليوم

-ماشي راح اطلع اني ومن تحتاج شي ناديني

هز راسه وغمض عيونه بتعب...

طلع فيصل من الغرفه جانت ام قصي كاعده كامت

-هاا خاله قصي شلونه

فيصل- قصي نام انتِ روحي للبيت ارتاحي وتعاي بعدين، ليضل بالج

-خاله ماكدر اعوفه

-ياخاله البنات وراهن دراسه وهم يردنج يمهن ميصير تعوفيهن وحدهن

-خوش راح اروح وارجع بعدين انتبه عل قصي ماوصيك بعد فدوه

-لتوصين حريص روحي ارتاحي

راحت ام قصي وبالها يم ابنها بس مجبوره تروح مناك بناتها متكدر تعوفهن ولا تكدر تجيبهن بالمستشفى لان عدهن امتحانات نص السنه ولازم يقرن

طلع فيصل بحديقه المستشفى ضل يفتر لمح كمال من بعيد تقرب يمه وكال

-هلا كمال

التفتله-هلا هلا فيصل شلونك

-بخير انت شلونك

-الحمدلله،بشر شلونه صاحبك

-برعايه الله

-ونعم بالله

-اي مكتلي عمك بعده نفس حالته

-لا شويا احسن من قبل

-الحمدلله

-تعال نروح نشرب شي اكو كوفي قريب

-لا ماكدر اعوف قصي

-زين ليش متعرفني عليه صار عندي فضول اشوفه

-حاليا نايم من يكعد اعرفك عليه

ابتسم وهز راسه...

راح كمال جاب كوبين جاي وكعد يسولف ويا فيصل بامور عامه صار المغرب راح كمال يصلي وفيصل راح لقصي كعدوا يسولفون،