<في وسط بغداد>
البارت الـ 8
#للكاتبه_سجى_المالكي
"غير مبري الذمه الي ينشرها دون علمي"
تصويت للبارت
_________
قصي باوعله-هاا راح تجربها
-خاف اختنك
ضحك-لا بس اول نفس بيها
-طيبه لو مره
-يعني زين طعمها هسه دجرب واحكم بنفسك
هز راسه وقرب الجكاره يم حلكه،
فجاه صار صياح وهوسه فيصل ذب الجكاره والتفت ،
الشارع مخبوص ناس تتركض والمنظر مرعب وصوت القصف مالي المكان الجهال يتصارخون ويبجون، قصي وفيصل جمدوا بمكانهم
فجأه ركض قصي لطفله تبجي حتى ياخذها من الطريق الصار كله ناس متناثره بالارض وناس رايحه جايه فجاه صار انفجار قوي هز الكاع ومن قوته نشمرت الناس بالارض بشكل يوجع القلب.....
قصي مدد وسابح بدمه،
فيصل مدد وايده تنزف رفع راسه من الارض ضل يدور عل قصي ويصيح باسمه، شافه من بعيد ركضله ونصدم بحاله قصي، جان راسه ينزف ووجه من الدم مايبين ورجله تنزف،
صاح -قصييي
راح يمه خلا راس قصي بحضنه ويطبطب عل وجه يحاول يصحي ناس مخبوصه كومه ضحايا واكعه بالكاع الشارع نترس دم ،
فيصل صرخ-لككك قصي كووومم لتعوفني قصيي تسمعنيي،، ياناس ياعالم الحكوني صديقي راح يمموووتت يااهل الغيره ووييننككككم
تقرب منه رجال-تعال ابني عاوني نشيله انقله للمستشفى بسرعه
يبجي-الله يخليك عمي قصي راح يموت
الرجال شال قصي-ان شاءلله نكدر نسعفه باسرع وقت يلا تعال
صعد فيصل بسياره الرجال ونطلقوا للمستشفى وقصي راسه ينزف وشفته صارت زركه واطرافه بردت
فيصل تلمس اصابعه وباوع لوجهه ونصدم
صاح بخوف-صارت شفته زركه راح يمووتت فدوه استعجل جسمه برد، التفت لقصي، خووييه قصي لاتعوفني فدوه لاتعوفني
الرجال اسرع السياره اكثر وكال-الله ينتقم من الامريكان القذ** الله ياخذهم
وصلوا للمستشفى جانت المستشفى كلها جرحى وناس تبجي الفاقد ابنه والفاقد اخوه فيصل باوع للناس وضل يبجي وياهم خايف لايفقد قصي
اما قصي دخلوا الغرفه العمليات ....
...
دُنيا-ماما قصي وين شو تاخر
امهاا كاعده باب الشارع وتفرك بايدها بتوتر،
-اووفف يايمه قصي ماكو من الصبح صار ليل هو وينه اسأل منو وانشد منو
أنت تقرأ
في وسط بغداد
Mystery / Thriller"تدور احداث الروايه حول صديقان منذ الطفوله تفرقهم الحرب لي يلتقوا فيما بعد وكل منهم يحمل هَم اقسى من الاخر" المعنى الحقيقي ان الاخ سند لاخته والصديق وقت الضيق.. لا احلل من ينسبها لاسمه " او ياخذ فكره منها "
