<في وسط بغداد>
البارت الْـ9
#للكاتبه_سجى_المالكي
"غير مبري الي ياخذها وينسبها لاسمه"
لاتنسوا تعليق عل كل فقره لطفاً
تصويت ومتابعه للحساب حبايبي
___
الدربونة القديمة الچنه بيها نفوت
امس يالله شفتها من فتت وحدي .!
....
فيصل-احجي دكتور ترى گلوبنا خلصانة
الدكتور-ابنكم قصي فقد نظره اضافه الى الكسور والشضايا الي بجسمه
نصدموا الكل،
فيصل بهدوء-دكتور اكيد انت غلطان قصي ممعقوله يفقد نظره
-للاسف كان الانفجار قوي وقصي جان كلش قريب من موقع الانفجار
-يكدر يتعالج؟
-اي يكدر لكن نسبه نجاح العمليه ضئيله واحتمال اذا فشلت يبقى فاقد البصر مدى الحياه
سكت فيصل وطلع من المستشفى، الهدوء الجان بي عكس العصبيه والبركان البداخله ضل يفتر بالشوارع وهو يشوف المناطق صارت مدينه اشباح مابيها حياه بسبب القصف المستمر والضحايا التروح كل ساعه ..
وصلت لمنطقتهم وكف كبال بيت فرحه،
حجا بخيبه-انتِ هم راح تعوفيني؟لو الله هم راح يختبرني بيج مثل قصي؟اني مصيبه قصي كسرت ظهري ماتحمل بعد مصيبه ثانيه ،
ضل يتمشى بالفرع وصل لبيت قصي باوع عليه بحسره وراها تذكر اخواته كبل ركض دك الباب
جانت دانيه نايمه ودنيا كاعده سمعت الباب ندك كبل كمزت فتحته عبالها امها وقصي
باستغراب-فيصل؟
تنهد-شلونج دنيا
تنهدت-موزينه، قصي ماكو من الصبح نوب امي راحت لبيتكم ولحد هسه ما اجت
رفع راسه للسما وايدا بجيوبه تنهد وغمض عيونه كال بهدوء
-طبي جوه وسدي الباب
-فيصل امي وقصي وين؟تعرف عنهم شي؟
نزلت دموعه كبل مسحهن،
دنيا حست اكو شي لزمت ايده ودموعها بعيونها-فيصل كلي اهلي وين؟
-بخير لتخافين الله يرعاهم
-فيصل احجي الحقيقه لتجذب
دنك وكال-قصي تصوب بالانفجار
شهكت-عزاا لعزاني اخوي مات
بعصبيه-مامات انجبي داكول تصوب مامات
بجت-احجي شلونه هو؟
-امشي نطب جوه ونكعد بالطرمه واحجيلج لا يشوفنا واحد ويفكرون بغير شي
كبل دنيا فتحت الباب دخل فيصل وكعد عل فراش مفروش بالطرمه
كعدت كباله تتراجف-فيصل قصي بخير مو فدوه احجي وكفت گلبي
أنت تقرأ
في وسط بغداد
Mystery / Thriller"تدور احداث الروايه حول صديقان منذ الطفوله تفرقهم الحرب لي يلتقوا فيما بعد وكل منهم يحمل هَم اقسى من الاخر" المعنى الحقيقي ان الاخ سند لاخته والصديق وقت الضيق.. لا احلل من ينسبها لاسمه " او ياخذ فكره منها "
