<في وسط بغداد>
البارت 34
#للكاتبه_سجى_المالكي
"غير مبري من ينسبها لاسمه "
----
تصويت +متابعه للحساب لطفاً
علقوا بين الفقرات ...
----
إني أُحِبك حبُّا لا نفَاذ لهُ
ما دَام فِي مُهجتِي شيءٌ من الرمقِ ♥️.
---
فيصل كاعد بصاله يدخن
طب قصي بيده كرزات وحب وجكاير
كعد يمه
ضحك فيصل-هاي شمسوي
قصي-عادي اسويلك اجواء قبل لاتلتحق
ابتسم-صدُك الصديق وقت الضيق
ضحك-اي اعرف ،
يلا اكل ولاتوصخ البيت منو ينظفه اختك قابل
خزره-شجاب اختي بالنص
-دسكت هي غير اختي هم
كعدوا ياكلون ويسولفون لليل طلعوا يتعشون وكُله ضحك وسوالف وشقه،
كعدوا بالمطعم وطلبوا مشاوي ومقبلات،
فيصل-اكُلك اريد من ارجع الكاك هيج منشنش مو كاضيها حزن ،تمام؟
هز راسه وسكت،
اردف-هيوو احجي وياك جاوبني لتهز براسك
المربع
ضحكت- اي مو افتهمنا شبيك
ابتسم-عفيه هيج اريدك،
وها لاتنسى بت الحجي،،
حجاها وغمزلي،
-دسكت احسلك شدخلني بالبنيه
-ترى البنيه تخبل شتريد من الله بعد موزين لكيت مره منو تقبل بيك؟
-فيصل كتلك ماريدها شنو گوه هي ؟
زفر-شبيك متكلي ، شوكت تزوج ترى سنه سنتين والشيب يترس راسك
ابتسمت -عل اساس ماشيبت اني
-اي بس هسى احسن من بعدين عل الاقل هسى عندك شيبه ثنين مو بعدين كل شعرك ابيض
-فيصل بشرف اختك اسكت لان عند الاكل تصمت الألسن
ضحك مصغر عيونه -ايبااا منيلك هذا المثل
بغرور -اني اخترعته
بجديه اردف -اكلك شو كل شويا وجايب سيره اختي خومت عينك عليها ترى رجلها قاسم يموتك كبل
ضحكت-شبيك بابا شنو عيني عليها،
احنا تربينا سوه ماكو هيج حجي
-اممم عبالي
-دخل ناكل مثل الناس الكباب برد
-اكل ابو بطن
ضحكت ورجعت اكل وفيصل يحشش عليه
وساعه يخبصني بـ نرجس وان لازم ازوج باسرع وقت لان كبرت ولازم استقر
أنت تقرأ
في وسط بغداد
Mystery / Thriller"تدور احداث الروايه حول صديقان منذ الطفوله تفرقهم الحرب لي يلتقوا فيما بعد وكل منهم يحمل هَم اقسى من الاخر" المعنى الحقيقي ان الاخ سند لاخته والصديق وقت الضيق.. لا احلل من ينسبها لاسمه " او ياخذ فكره منها "
