<في وسط بغداد>
البارت الَـ16
#للكاتبه_سجى_المالكي
"غير مبري الذمه الي ينشرها دون علمي وينسبها لاسمه "
تصويت+متابعه للحساب لطفا
علقوا بين الفقرات ..
^^^^
بسبب تفاعلكم الحلو نزلت بارت لعيونكم
__________
ولا وحده اجت بالريش كلهن بالعظم دگن 🥀
^^^^^^^
عزيز يدك بالباب
دانيه بعصبيه عاطت-
هذا منو ياهمجي كسر الباب،
لككم اوكفوا جايه شبيكم
فتحت الباب واستحت وشهكت من الفشله من شافت عزيز وكبل ختلت ورا الباب
عزيز -احم قصي موجود
بهدوء-اي منو حضرتك
يحاول يشوفها وظل يحوس-صديقه
اجه قصي وشافهم عاط-دااانننييه
نزت-ها قصي
جرها من ايدها-امشي طبي جوه شعندج هنا
دانيه-فتحت الباب
بحده-امشي طبي بسرعه يلاااا
راحت دانيه طبت بدون متحجي شي
طلع قصي لعزيز والشرار يطاير من عيونه يعرف عزيز نسونجي ومايعرف حلال وحرام
باوعله-خير؟
عزيز-هيج الناس تسلم؟
زفر-هلا شتريد جاي البيتي منو سمحلك
-شبيك قصي شنو هذا الاسلوب
-شوف عزيز لمن تسمع صوت مره راح تفتح الباب تدير وجهك فتهمت لو اعيد؟
غشم نفسه-شنو قصدك مجاي افتهم
قصي-لتسوي نفسك غشيم
وعيونك لو باوعت لاخواتي اعميهن
لزمه من ياخته-شووو انت ماتعرف تحجي
بحده-نزل ايدك الناس تباوع علينا
سكت عزيز وعاف قصي،
قصي-اذا جايني بخصوص الشغل
اني ماناقش هيج امور باب بيتي
-ليش هاي الامور نكسه مو
طلع جكاره من جيبه وشغلها-اكيد بدون شك
-منو كلك اشتغل بهيج سالفه لعد
ذب حسره-اعتقد تعرف لتظل تلغي زايد
هز راسه-ماشي قصي ماشي
شوف ولك انتَ تماديت واوعدك راح اندمك وشغل بعد ماكو لان انت مو وجهه نعمه يلا مع السلامه
عافه وراح ،
ظل قصي يباوع عليه وابتسم باستهزاء وطب للبيت
مرت الايام وقصي لكا شغل بمطعم والامور نوعا ما زينه
ودنيا ودانيه رجعن للمدرسه،
أنت تقرأ
في وسط بغداد
Mystery / Thriller"تدور احداث الروايه حول صديقان منذ الطفوله تفرقهم الحرب لي يلتقوا فيما بعد وكل منهم يحمل هَم اقسى من الاخر" المعنى الحقيقي ان الاخ سند لاخته والصديق وقت الضيق.. لا احلل من ينسبها لاسمه " او ياخذ فكره منها "
