<في وسط بغداد>
البارت 35
#للكاتبه_سجى_المالكي
"غير مبري من ينسبها لاسمه "
------
تصويت +متابعه للحساب
علقوا بين الفقرات ....
------
ترڪنا أرواحنا المآيرضن نروح
بالدَمعة العَزيزة نريد نسلم.
- آيهابي..♥️
-------
دانيه،
ام حازم خبرت حازم بقراري هو خطيه فرح
وماصدگ الا سألني ومن كتله اي موافقه راد يحضني من فرحته،
العصر اخذني ورحنا واشترينا حلقات
وتخم ذهب
وحازم طاير من الفرح وكل شويا يكلي خاف حلم واني اضحك عل حجاياته
اخر شي بزعت وعطت
- شبيك حازم شنو تكول ممصدك مو هاي كدامك دانشتري الذهب
ضحك - بس والله من فرحتي ممصدك يعني اصلا ايست نزوج
صغرت عيوني - ليش بله جنت مأيس
كرص خدي - لان ياحوريتي جنتي معانده ورافضه الزواج وحبنا صارله سبع سنين ومن وافقتي نزوج الدنيا ماسعتني من الفرح
دمعن عيوني - هلكد تحبني حازم؟
زفر وباوعلي بعيون ذبلانه
همس - شلون ماحبج وانتِ دخلتي بگلبي وصرتي حوريه حازم
احبج حب محد يحبج بكدي
دانيه اني واصل بحبج مرحله مثل فرحه ام باول خطوه مشاها ابنها البجر وتعلم المشي
مثل فرحه طفل بملابس العيد
مثل شعور السعاده بعد الهم والضيگ
ماعرف شلون اوصفلج شعوري بس كلش احبج ياحوريه حازم
من جمال كلامه حضنته بنص الشارع وكمت ابجي وهو يضحك
- لج ليش الدموع عندج دموع زايده
اردفت - ماعبالي هلكد تحبني وعندك هلكد مشاعر الي
اصلا ماتخيلت بيوم احب وانحب
باس راسي - اكو واحد مايحبج؟ ترى المايحبج ماعنده ذوق صراحه
شو انتِ كياته ولطافه
وگلب يخبل وطيب
وجمال يريح النظر
ابتسمت وابتعدت عنه
اردفت - كلهن ذن اني؟
باسني بالهوى - واكثر يلغلاتج بغلاه امي
لزمته من متنه - احبك حازم
كملنا مشينا وخلصنا مشترياتنا
واني فرحانه لان هو فرحان
بس اكو شي بداخلي حزين
لان وحدي راح انخطب
بدون اهل
وبدون صديقات
وبدون دُنيا
ولا قصي
بس اهم شي راح اخذ شخص احبه ويحبني ،
أنت تقرأ
في وسط بغداد
Mystery / Thriller"تدور احداث الروايه حول صديقان منذ الطفوله تفرقهم الحرب لي يلتقوا فيما بعد وكل منهم يحمل هَم اقسى من الاخر" المعنى الحقيقي ان الاخ سند لاخته والصديق وقت الضيق.. لا احلل من ينسبها لاسمه " او ياخذ فكره منها "
