Unicode
" ကိုကြီး "
သူ့ဆီ အပြေးလာပြီး အနားရောက်တာနဲ့ ဆိုင့် ကိုယ်ပေါ်ကို ခုန်တက်တာမို့ လန့်ပြီး လှမ်းထိန်းလိုက်ရတယ် ။
ကြွက်မြီးပုံစံ ဆံပင်ရှည်လေးနဲ့ ပါးကြီး တွေ မို့တက်နေကာ သူ့ကို ရယ်ပြနေပြန်သည် ။
" နိုဗီ ဆင်းစမ်း အဲ့ကောင်ပေါ်က "
ဦးထက်သာ စကားကို နားမထောင်ဘဲ သူ့ကို သာခပ်တင်းတင်း ဖက်ထားတာမို့ နေကြည်အလင်းဆိုင် အမြန်ဆွဲခွာကာ သဘော မကျသလို ကြည့်လိုက်သည် ။
" ကိုကြီး နိုနို့ကို သဘောမကျဘူးလားဟင် "
" ငါက မင်းကို သဘောကျရမဲ့ အကြောင်း ပြချက်ရှိသေးလို့လား "
နိုဗီ ဆိုတဲ့ ကောင်လေးရဲ့ မျက်လုံး ဝိုင်းဝိုင်းကြီးတွေကနေ မျက်ရည်တွေ ပြည့်လျှံလာတာမို့ ဦးထက်သာရော ဒေါ်ခိုင်ဖူးသွယ် ရော ပြာယာခတ်သွားပြန်တယ် ။
ဒီကလေး မျက်ရည်မကျသေးဘဲ ဝေ့နေတာတောင် ဒီလောက် ပြာယာခတ်နေကြတဲ့ သူတို့တွေက သူတို့ ကြောင့်ပဲ နေကြည်အလင်းဆိုင် နင့်နင့်သည်းသည်း ငိုခဲ့ရတုန်းက နည်းနည်းမှတောင် ကိုယ်ချင်းမစာပေးကြဘူးပဲ ။
" နိုနိုက ကိုကြီး ကို ချစ်တယ် လေ "
" ဆိုင်ဆိုင် မေကြီး တောင်းပန်ပါတယ် သား ညီလေးကို ငိုအောင် မလုပ်ပါနဲ့ "
" ဘယ်သူက ကျွန်တော့် ညီလေး ဖြစ်ရမှာလဲ ခင်ဗျား နောက်ယောကျ်ားနဲ့ ဖြစ်ချင်တိုင်းဖြစ်ပြီးမှ ရတဲ့ကလေးကို ကျွန်တော်က ညီလေး အဖြစ် သတ်မှတ်ကမှာလား ဒေါ်ခိုင်ဖူးသွယ် "
တစ်ကယ်တမ်း စိတ်တိုစရာစကားတွေ ပါးစပ်က ပြောနေပေမဲ့ ဆိုင် ဝမ်းနည်းလိုက်တာ ။ သူလည်း ထောင်မကျရင် အဲ့အချိန်နွေမှာ ကလေးတစ်ယောက် လို အပူအပင်မရှိပျော်ပျော်ရွှင်ရွှင်နေရမှာ ။
ဒေါ်ခိုင်ဖူးသွယ် ကို ထည့်မတွက်ရင်တောင် အဟောင်းဆိုင်အိုလေးထဲ ဖေကြီး နဲ့ သူ နှစ်ယောက် ထဲရှိလည်း အဆင်ပြေအောင် နေလို့ ရခဲ့မှာ ။
ဖေကြီး သေရတာ သူတို့ ကြောင့်ပဲ ဟုတ်တယ် သူတို့ ယုတ်မာလို့ ဖေကြီး က အပြစ်မရှိဘဲ သေခဲ့ရတာ ။
