Unicode
သူတောင် ဝင်ခွင့်မပြုရသေးဘဲ အိမ်ထဲ အတင်းဝင်လာကြတာမို့ အဏ္ဏဝါ ဒယ်ဒီ့ လက်ချက်မှန်း သိလိုက်ပြီ ။
ပြီးတော့ ဒီနှစ်ယောက် က သူနဲ့ ပြဿနာ တက်ဖူးသည့် နှစ်ယောက် ။ အလုပ်ကိစ္စတစ်ခုနဲ့ ပက်သတ်ရင်း ငြိတာဖြစ်ပြီး သူတို့ တောင်းသည့် ပိုက်ဆံ ကို အဏ္ဏဝါ မပေးလို့ အငြိုးထားနေပုံပင် ။ နောက်တစ်ခုကတော့ ဒီနှစ်ယောက် ထဲက ဦးဝေလင်း ရဲ့ သမီးက သူ့ကို သဘောကျနေတာ ဖြစ်ပြီး အဏ္ဏဝါ ကတော့ အပြတ်ငြင်းထားတာမို့ သူ့သမီး အတွက် အဏ္ဏဝါ့ကို မကျေမနပ်ဖြစ် နေသည်မှာ ထင်ရှားလှသည် ။
" ဘယ်မှာလဲ နေကြည်အလင်းဆိုင် "
" ကျွန်တော့် လူကို ခင်ဗျား တို့ က ဘာလုပ်ဖို့လဲ "
" ဦးထက်သာနဲ့ ဇနီးဖြစ်သူ ဒေါ်ခိုင်ဖူးသွယ် ကို ထိခိုက် ဒဏ်ရာရအောင်လုပ်ပြီး သူတို့ သားအငယ်ဆုံးကို ပိုက်ဆံ အတွက် ပြန်ပေးဆွဲသွားတယ်လေ "
" အခြေအမြစ် မရှိတဲ့ စကားတွေ ပြောနေမယ်ဆိုရင် ခင်ဗျား တို့ နှစ်ယောက် ပြန်လိုက်တော့ "
" ငါတို့က တာဝန်အရ လာခဲ့တာ အဏ္ဏဝါဇေး မင်းကြည်ကြည်ဖြူဖြူ မလိုက်နာဘူးဆိုရင် ငါတို့ အဆိုးမဆိုနဲ့ "
" တာဝန်အရလား ပိုက်ဆံ ရလို့ ချက်ချင်း ပြေးလာခဲ့ကြတာ လား ဦးဝေလင်း "
သူ့စကားကြောင့် မျက်နှာအကြီးအကျယ်ပျက်သွားကာ အိတ်ထဲက သေနတ်ပါထုတ်လိုက်တာမို့ အဏ္ဏဝါ မျက်မှောင်ကြုတ်သွားရသည် ။
" ငါ့သမီး လို အချောအလှလေးကို ဖယ်ပြီး ရူးနေတဲ့ ကောင်ကို မင်းဘာကြည့်ပြီး လက်ထပ်လိုက်တာ လဲ ပြောပါဦး အဏ္ဏဝါဇေး "
" ခင်ဗျား သမီးကို စိတ်မဝင်စားလို့လေ မဟုတ်ဘူး နေကြည်အလင်းဆိုင် ကလွဲပြီး ဘယ်တစ်ဦး တစ်ယောက် မှကို စိတ်မဝင်စားတာ လို့ ပြောရင် ပိုမှန်မယ် "
" ကျော်စွာ အခန်းထဲ ဝင်သွား ငါဒီကောင့်ကို ထိန်းထားလိုက်မယ် "
ခွပ်
ကျော်စွာဆိုတဲ့ ကောင် ခြေလှမ်းမရွေ့ရသေးခင်မှာဘဲ အဏ္ဏဝါ လက်ပါမိသွားသည် ။
