Zawgyi version is below ⬇️
#Unicode
သူ ရုတ်တရက် ပေါ်လာတာကြောင့် ဖူးသစ် မိမိနံပါတ်စဉ်ကို ကြည့်ဖို့ မေ့လာခဲ့ပြီ ။ ဒါပေမယ့် သူ့ မျက်လုံးအောက်မှာ ပျော့ခွေမသွားတာထက်တော့ ပိုကောင်းပါသည် ။
" ဘယ်တော့ ဝင်ရမှာတဲ့လဲ ? "
ဖူးသစ် ကားနားကို ပြန်သွားတော့ ဖေဖေက အပြင်မှာ ထွက်စောင့်နေ၏ ။ ဖူးသစ် ခေါင်းခါပြလိုက်သည် ။
" လူ အရမ်းတိုးတယ် ။ သမီး မကြည့်ခဲ့ရဘူး "
" အယ် အဲဒီတော့ အဖေတို့ ဘယ်လိုလုပ်မလဲ ။ သမီးကို ပို့ပြီးမှ ထမင်းသွားစားရမှာလေ ၊ ဖိုးသားက ဂျီကျနေပြီ "
ဖူးသစ် ကားထဲကို ကြည့်တော့ မောင်လေးဖြစ်သူ ရဲသွေးခန့်တို့ ဆယ်နှစ်သားအရွယ်နဲ့မလိုက် မေ့မေ့ ပေါင်ပေါ်မှာ ခွထိုင်ကာ ကလေးကလားလုပ်ပြနေ၏ ။ ဖူးသစ် အမြင်ကတ်လာတာမို့ နှုတ်ခမ်းလေး ဆူပုပ်မိသည် ။
ဖေဖေက လေပူတွေကို မှုတ်ထုတ်ကာ ဆက်ဆိုလာသည် ။
" အဖေ သွားကြည့်လိုက်မယ် ၊ အထဲဝင်နေတော့ "
ဖေဖေက သမီးဖြစ်သူ၏ လူရှိန်တတ်ပုံကို သိထားတော့ သိပ်မတွန်းပေ ။
ပြောင်းလဲပါ့မယ်ဟု စိတ်ပိုင်းဖြတ်ထားခဲ့တာတောင် သူ့အရှေ့ရောက်တိုင်း ယိမ်းယိုင်နေတုန်းပင် ... ။ ဖူးသစ် မျက်နှာလေးညှိုးသွားရကာ စိတ်ထဲမှာ မိမိကိုယ်ကို ထုထောင်းနေမိသည် ။
" အန်ကယ် သွားစရာမလိုဘူး ၊ ကျွန်တော် ဖူးသစ်ကြယ်စင်အတွက်ပါ ကြည့်ခဲ့တယ် "
ထိုအသံကို ကြားတာနဲ့ ဖူးသစ် လန့်ဖြန့်ကာ အနောက်လှည့်ကြည့်လိုက်၏ ။ ကိုယ်တော်လေးမှာ နေပူထဲကနေ ဖူးသစ်တို့ကား ရပ်ထားသော သစ်ရိပ်သို့ ကြွလာလေပြီ ။
စတိုင်လ်ဘောင်းဘီ အသားရောင်နှင့် အောက်မှ တီရှပ်ရိုးရိုးရှင်းရှင်း အဖြူလေးကိုခံကာ ၊ အပေါ်မှနေ၍ တံတောင်ထိရှိတဲ့ ချည်ထည်အညိုရောင်ပွပွလေး ထပ်ဝတ်ထားသည် ။ လည်ပင်းမှာ ပလက်တီနမ်ကြိုး ခပ်ပါးပါးလေးကို ဆွဲလျက် ၊ နားနှစ်ဖက်လုံးမှာ ငွေရောင်ကွင်းလေးနှစ်ကွင်း တပ်ထား၏ ။ နေရောင်ထဲ ထိုငွေရောင်ကွင်းလေးတွေက တလက်လက် ။
YOU ARE READING
Taming the F*ck-boy (Hiatus)
RomanceOwn Creation [R18] လူရှုပ် fuck-boy လေးအား ယဉ်ပါးလာအောင် ထိန်းကျောင်းခြင်း ။