#Unicode
" ဂြိုလ်တွေအကြောင်း တော်တော်လေး စိတ်ဝင်စားတဲ့ပုံပဲ ။ စာအုပ်ဖတ်တာလား ? "
စာဖတ်ခြင်းကို နှစ်ချိုက်သော ဖူးသစ်နဲ့ ဝါသနာများ တူနေမလား စိတ်လှုပ်ရှားစွာ တီးခေါက်ကြည့်လိုက်သည် ။
" အရမ်းစိတ်ဝင်စားတယ် ဆိုတာထက် ... နည်းနည်းပါးပါးပါ ။ ဟိုဟိုဒီဒီ လျှောက်ဖတ်ထားတာ ၊ YouTube မှာ တခါတလေ ပျင်းရင် ကြည့်တာမျိုးလောက်ပါပဲ "
' အရမ်းစိတ်မဝင်စားပါဘူး ' ဆိုတဲ့ မျက်လုံးတွေဟာ ဤမျှတောက်ပနေမည် မဟုတ် ။ သူဟာ အာကာသကြီးကို နှစ်သက်သော ကောင်လေးတစ်ယောက်ဖြစ်သည် ။ ရှာဖွေတွေ့ရှိမှုအသစ်လေးအား ဖူးသစ် ရင်ခုန်စွာ မှင်အနက်ဖြင့် မှတ်ဉာဏ်ထဲ ရေးသားလိုက်၏ ။ မာန်ရှိုင်းဆက်ဟာ သူသဘောကျသော အရာတွေအရှေ့၌ အံ့ဖွယ်ကောင်းလောက်အောင်။ ဟန်ဆောင်မှုကင်းလေသည် ။
လူကို ဘယ်လောက် အသည်းယားသွားစေသလဲဆိုတာ ငြင်းလို့မရ ။
" အဟမ်း "
ဖူးသစ်မျက်နှာက ပြုံးဖြီးနေတာကြောင့် ဟန်မပျက်စေရန် လည်ချောင်း ရှင်းလိုက်သည် ။ သူနဲ့ စကားပြောဖို့ ခေါင်းစဉ်ကို ရှာနေစရာမလိုတော့ ... ။ မိမိသိသမျှ စကြဝဠာကြီးအကြောင်း ကောင်းနိုးရာရာများကို ထုတ်သုံးဖို့ အချိန်တန်ပြီလေ ။
" ဂြိုလ်ဆိုလို့ ၊ ပလူတိုက ဂြိုလ်အဆင့်ကနေ ပယ်ချခံထိသွားတယ်ဆို ? ဂြိုလ်စာရင်းဝင်ဖို့ အရမ်းသေးလို့ ဆိုလားပဲ ... "
" အင်း ... သူ့ထက်ကြီးတဲ့ အဲရစ်ဆိုတဲ့ အုတ္ကာခဲကို ရှာဖွေတွေ့ရှိပြီးတဲ့အချိန်မှာ ၊ ကျွမ်းကျင်သူတွေက ပလူတိုကို ဂြိုလ်အဖြစ် သတ်မှတ်သင့် မသတ်မှတ်သင့် ဆုံးဖြတ်ကြတယ် ။ ပြီးတော့ စာရင်းက ထုတ်လိုက်တာ ။ အခု ပလူတိုမဟုတ်တော့ပဲ ၊ အုတ္ကာခဲနံပါတ် 134340 လို့ ခေါ်နေကြပြီ "
တည်ငြိမ်စွာ ဆိုလာသော သူ့အဖြေက ဖူးသစ်ကို အနည်းငယ် ဝမ်းနည်းသွားစေ၏ ။ ပလူတိုအစား မတရားခံလိုက်ရသလို ဆိုလိုက်မိသည် ။
" ဟင် ဒါဆိုရင် ပလူတို သနားပါတယ် ။ နာမည်လေးတောင် မရှိတော့ဘူးပေါ့ "
YOU ARE READING
Taming the F*ck-boy (Hiatus)
RomanceOwn Creation [R18] လူရှုပ် fuck-boy လေးအား ယဉ်ပါးလာအောင် ထိန်းကျောင်းခြင်း ။