الجزء 9
صبح الصباح
فبلاد الشرق
تتفيق و تتنعس ليل كامل هكاك بغات تلقا بنتها و خايفة عليها بزاااف.. هنية بقات سهرانة مع بنتها بقا فيها الحال على لي وقع تتمنى يتحل لمشكيل بلا مطيح شي روح.. فاقت و تتبكي
فاطمة: قولي ليا أ مي أنا دابا شنو غندير؟ هئ هئ
هنية: دابا يفاجيها ربي!!
فاطمة: علاش بنتي دارت فيا هادشي علاش ؟ هئ هئ
هنية: صافي أبنتي راه كلشي غيتحل
فاطمة: فين غيتحل أ مي غير قولي ليا راه هادشي عاد مازاد تعقد.. راه هربات معاه واش عارفة شناهي هربات معاه.. وخا تلقا غيقتلوها أ مي غيقتلوها
هنية: سكتي!! منسمعكش تجبدي هاد الكلمة من فمك واخا تكون بصح راه هنا كلشي يصحاب ليه خطفها!! سمعيني مزيان أبنتي.. ياك نتي عارفاه شكون؟
فاطمة حركات واسها بآه
هنية: اوا صافي داها بطونوبيل.. حفظتي نمرة؟؟
فاطمة تتبكي و تتنخصص: آه على أنا نسى لبارح عمرني نسا هاد النهار
هنية: صافي باراكة من لبكا.. غتقولي ليهم لبنت تخطفات و عطيهم النمرة ديال طونوبيل صافي
فاطمة: مي شنو تتقولي!
هنية: راه كاينة لعداوة بيناتهم مغاديش يقولو بغاو بعضياتهم و هربو لا.. غيقولو كاينة العداوة داكشي علاش خطفها
فاطمة: والا عاقو بلي هربات معاه؟
هنية: صافي متفكريش فهادشي.. عيطي لراجلك و علميه يشنو وقع لبارح!!!
فاطمة: لا منقدرش!! لا لا
هنية: شنو نهضر معاه أنا ؟
فاطمة تتشهق بلبكا جبدات تيليفونها دوزات نمرتو.. كان جالس فمائدة لفطور صونا ليه تيليفون حاوب ديك ساعة
حسن: صباح الخير
فاطمة غير سمعاتو بدات تتبكي وتتشهق حسن سمع صوت لبكا ديالها قلبو وقف ممولفاش تتشكي و تبكي عليه عمرو شاف دمعتها من نهار عرفها و دابا تتبكي.. صحاب ليه هنية تزاد عليها لحال
حسن: ياك لباس أ فاطمة ؟
ناض من بلاصتو خلاهم تيفطرو كلشي باغي يعرف شنو واقع.. خصوصا ملي سمعو ديك "ياك لباس"
حسن بحدة: فاطمة هضري!!
فاطمة: بنتي أ سي حسن هبة
حسن غير عرف بلي الموضوع تيتعلق ببنتو تخلع و تزير ولا تيدخل بزز تنفس..
حسن نطق بزز: مال هبة؟
فاطمة: بنتي تخطفات أسي حسن خطفها هئ هئ هئ
حسن غير سمع تخطفات مقدرش يستحمل قلبو ضرو بزااف طاح ليه تيليفون و غوت بآلم خرج كلشي شافو عرقان تيلهت و شاد قلبو غير شافهم تجمعو عليه غيب.. خديجة شافت ولدها طايح متيتحركش بدات تتغوت نعمان تصدم معرف ميدير.. هزوه وداوه فطونوبيل لأقرب مستشفى.. أما فاطمة سمعاتو غوت بآلم عرفات بلي وقعات ليه شي حاجة ناضت هي ومها خرجو من دار باش يشوفو شنو واقع.. شدو طاكسي وصلهم للباب دخلات لقات الدنيا مقلوبة فالدار.. تقربا كلشي مشا للمستشفى من غير رحمة لي متتحملش المستشفيات قالت ليهم شنو وقع و فاطمة غير سمعات شنو وقع لراجلها سخفات ليهم..
VOCÊ ESTÁ LENDO
الصلح
Paranormalمرحبا بكم فقصتي تنتمنى تنال الاعجاب ديالكم بلا منطول عليكم.. غنعطيطم فكرة صغيرة على القصة لي كتبتها بعد تفكير طويييل هاد قصة كتبتها و أنا متحمسة نشاركها معاكم.. بس: القصة خيالية!!!!! تدور القصة على أحداث غتوقع بين جوج عائيلات معروفين بالعداوة لي بين...
