الجزء 14
وصل ليل
فالحقل لقديم
دخلو جوج طونوبيلات وحدة فيها الغالي و عبدالرحيم و وحدة فيها رشيد.. خرجو من طونوبيلاتهم تيتسناوهم شوية دخلات طونوبيل فيها نعمان عبدلله ولبنات هبطو من طونوبيل
عبدالرحيم بأمر: رشيد!! دي لبنات لدار
رشيد بدا تيشوف مبانتش ليه شاذية
رشيد: فينها شادية؟
نعمان: هادو هما لبنات لي كانو عندنا
عبدالرحيم مخنزر هضر بعصبية: نعمان!! خديتو منا ربعة ديال لبنات ماشي تلاتة!!
زينب نطقات: جدي! راه ملي خطفونا شاذية دخلات لدار هربانة و هاد الأيام كاملين مكانتش معانا!!
عبدالرحيم بصدمة: كيفاش؟؟
الغالي: زينب واش متأكدة أ بنتي؟
مليكة نقزات: آه راه ملي تخطفنا ملقيناهاش!
رشيد: يكما وقعات ليها شي حاجة ملي حاولات تهرب؟؟ ملي تتخاف تيتحبس ليها النفس!!
عبد الرحيم هبط منو النص بزز وقف راسو
عبدالرحيم: رشيد دي لبنات!!
رشيد زير على يديه و دماغو خدام حل لبنات طونوبيل طلعو تاهو طلع و مشاو.. أما لباقين جلسو كلهم مدورين على واحد الطبلة..
الغالي: أحسن حل بان ليا هو نزوجو فاروق مع بنتكم لي خطفها!!
نعمان: عبدالرحيم!! نتا متافق مع ولدك؟
عبدالرحيم: شنو بغيتي نقتلوهم؟
نعمان: الا وقع بيناتهم شي حاجة خاصهم يموتو بجوج!!
حسن تزير عليه قلبو فاش سمع باه شنو قال خصوصا من بعد معاودات ليه فاطمة كلشي مخبات عليه والو وراتو حتى تيليفون هبة و تصاور لي فيه.. و فاش داتها عند داية عارف بلي بنتو دارت غلط مخاصهاش ديرو بقات فيه بنتو عزيزة عليه مباغيهاش تموت و فنفس لوقت مقلق منها بزااف و ميمكنش يسمح ليها حيت خانت ثقتو..
الغالي مخنزر: الا قتلتيهم شنو غتقول للناس لي سولوك علاش ماتت حفيدتكم؟
نعمان بغضب: خاص القوانين يطبقو!! كيفما هما
الغالي بتحدي: مزيان! على هاد الحساب حتى لي خطف بناتنا غيموت!
نعمان بحالا تصرفق هو ديما تيفضل أحفادو لولاد على أحفادو لبنات لدرجة دابا ممسوقش لهبة بزااف لكن ملي جبد ليك يحيى و شنو دار تزير مستحيل يخلي شي حد يقرب ليه..
نعمان: هاداك راه رد على شنو دار حفيدكم!!
الغالي: بما أنه رد فمكاين لاش فاروق يتقتل.. أنا بنتكم مندخلش فيها لكن ولدنا الا دار الذنب حتى ولدكم دارو ودار ماكفس خطف تلاتة ديال لبنات و من حدا باب الدار و كاينين الشهود.. نتوما عندكم شي دليل بلي ولدنا لي خطف؟
نعمان: آه! عروستي شافت نمرة ديال طونوبيل!! و عرفناها ديالكم..
الغالي: قلبتو على نمرة ديال طونوبيل مزيان يعني هاد الموضوع وصل لبلاد الشمال!! هي حتى حنا أنوصلوها لبلاد الشمال
YOU ARE READING
الصلح
Paranormalمرحبا بكم فقصتي تنتمنى تنال الاعجاب ديالكم بلا منطول عليكم.. غنعطيطم فكرة صغيرة على القصة لي كتبتها بعد تفكير طويييل هاد قصة كتبتها و أنا متحمسة نشاركها معاكم.. بس: القصة خيالية!!!!! تدور القصة على أحداث غتوقع بين جوج عائيلات معروفين بالعداوة لي بين...
