الصلح

الفصل الأول: الخطيئة

الجزء 26

فالحقل آل راميل
هارون جالس فبلاصة و يحيى جالس حداه وجههم كولو كدمات و قدامهم عمامهم لي معاجبهمش حالة ديالهم..

حسن: علاااش هادشي كامل؟ نتوما عمركم كنتو هكا؟ كبرتو خوووت
عبدلله مخنزر فولدو و ركلو بقوة و هو معصب: باغين ترضونا ضحكة؟ دوي!! خطفتي البنات سكتنا و لكن باش تدابزو ليا فالحقل و الخدامة كاينين و يديو خبارنا مستحيل نسمح بهادشي..

رضوان مخنزر: نقولو هادا حمق تواحد ميديها فيه(تيهضر على يحيى) و نت ا هارون؟
يحيى بسخرية: و حمق نيييت..
عبدالله قرفدو حتى بدا تيحكها: سككككت! متهضرش بالمرة..

هارون طبخو ليه راسو و هو غير ساكت تيسمع ليهم وقتاش يسالي هادشي ديالهم..

محمد ضرب يد مع يد: لا حول ولا قوة الا بالله! جاب الله الحاج مجاش معانا اما كون غير زاد تفقص كثر و كثر..

هارون غير تيشوف فيهم و تيتسناهم يساليو هادشي لكن حلفو لا سكتو..

رضوان: لي وقع نساوه نتوما مدخلوش..

يحيى و هارون بجوج بيهم خنزرو فرضوان كيفاش ميدخلوش؟ راه فاروق دارها قد راسو و حمّل هبة.. يعني بنت عائلتهم لي ضررات سمعة ديالهم لي غادي تمشي فالرجلين.. اما فاروق هاني.. الناس غادي يشكو كثر الصلح وقع و تزوجو و لكن عائلة راميل لي غادي تكون فالصورة بلي بنتهم غلطات علاش لي مينهيوش الصلح ببنت عائلة ليمار علاش العكس؟ هاكا الناس غادي تفكر..

هارون: الدفلة خرجات من الفم عمرها ترجع.. و لكن ياك باغين غير الصلح! بغيتوني نسكت و نلبدها ماشي مشكيل و لكن بشرط..
حسن: هارون! شنو تتقول ا ولدي..
هارون بسخرية: عاد تفكرتي عندك ولد؟ فين مراتك؟ سمحتي فيها فوقت الشدة.. هادشي لي علمتيني؟ (بطنز) الواليد..

محمد: الغلط تيوقع! راه هارون عندو الحق حيت هاكا الناس غادي تزيد شكوكهم.. خاصك ترجعها..
هارون: الناس كلهم ولاد الق**حاب..
حسن بعصبية: هاااااارووووون!! عرف راسك شنو تتخرررج من فمك...
هارون ناض صاعر: انااااا عاااارف شنوووو تنقووول.. نت وليتي بو ودينة.. (بطنز) الواااليد

خرج و خلاهم.. غير تيشوفو، و هما يدورو عند يحيى لي حابس الضحكة..

يحيى: عندو الحق!

غير هضر و هو يتفرگع بالضحك و باه بدا تيضرب فيه باش يسكت..

اما هارون صافي وصلاات معاه تاجه لطونوبيلتو لقا تيليفونو عامر بليزابيل.. هز تيليفون و عيط على آخر نمرة..