الصلح

الفصل الأول: الخطيئة

الجزء 18

بلاد الشرق
كان سايق طونوبيل و معصب عاد رجع ليه شنو دار حبس فواحد لبلاصة و بدا تيضرب بيديه على مقود السيارة معصب.. تيليفونو تيصوني مبغاش يحبس كلشي تيعيطو ليه هزو كانت مو

فاطمة: هارون! واش بصح لي سمعت؟؟ واش بصح يحيى نتا سبابو باش دخل للمستشفى ؟
هارون: آه!!

قطع معاها معصب و تيتفكر هضرة ديال لغالي كيفاش كان خايف على بنتو و هدد بلي غيقتل أي واحد قرب ليها.. بتاسم

هارون: نتا عزيزة عليك بنتك و أنا ختي؟؟

شوية عيط عليه باه

هارون: فرعتو ليا كر*** بليزابيل

و جاوب باه

هارون علا صوتو: شنو؟
حسن بحدة: غلطتي أ هارون نتا معارف والو و تتصرف كيبغيتي!! و سمعني مزيان شنو غنقول ليك مك عاودات ليا كلشي.. ختك عطاتو راسها.. و ملي مك ساقت لخبار هربات معاه!!

هارون تصمكو ليه ودنيه واش هادي هبة ختو لي تتخاف ميمكنش دير هادشي مبقاش قادر يفكر ولا يهضر بقا مكوانسي

حسن: هارون!! هارون!! واش باقي معايا

فين هو هارون بحالا صرفقتيه بهاد الهضرة عاجز عن تفكير داكشي لي قال ليه باه عمى ليه عينيه

هارون قطع مع باه

هارون: صافي مبقاتش عندي ختي!! صافي سالينا!! و لكن خاصك تموتي و على يدي.. (بحقد) الغدارة

دور وجهو بان ليه تيليفون ديال يحيى.. و تفكر فاش عاود ليه يحيى كلشي كان قال ليه الا فاروق شعل تيليفونو غادي توصلو لبلاصة فين كاين.. هز تيليفون لقاه بلكود بدا تيجرب الأرقام والو و جرب ربعة ديال زيرويات تحل ليه..

هارون متفاجئ: هادا هو لكود؟؟

بدا تيقلب فلميساجات باش يشوف واش وصلو شي حاجة ملقاش شي حاجة.. حطو بقا فطونوبيل مدة و هو تيفكر شنو يدير هز تيليفونو و عيط لواحد من المعارف ديالو بقا تيصوني مدة عاد جاوب

حمزة: سي هارون لباس
هارون: حمدلله و نتا؟
حمزة: مزيان هاد الساعة! دزت عندك لبارح ملقيتكش
هارون: أنا فبلاد الشرق
حمزة: آه! مشيتي تشوف العائلة ؟
هارون: داكشي..
حمزة: كيلقيتيهم؟
هارون: حمدلله! شوف بغيتك تصيفط ليا معلومات على واحد
حمزة: شكون؟
هارون: فاروق ليمار
حمزة: آه! عرفتو فيه لقوالب هداك خونا!! شنو باغي تعرف عليه؟
هارون: مو باه واش عندو خوتو واش خدام هادشي كامل
حمزة: باه هو هشام مو لله يعمر ليها الدار صراحة القلب الكبير عندو جوج خوتو رشيد و جمال.. رشيد داير بحال يحيى تقريبا جمال مختالف كليا متتسمعش صوتو گاع.. صافي هادشي لي كاين!!
هارون: معندوش ختو؟؟
حمزة: عندو ولكن غير بالرضاعة دابا عمو الغالي مرتو ولدات البنت و ماتت و مو رضعاتها راه عندهم نفس لاج كان كلشي تيصحاب ليه بلي هي و ياه توام
هارون: بنت الغالي!! عندو غير بنت صافي؟؟
حمزة: شغنقول ليك هاداك الغالي راه واحد المسطي منو مكان.. علاما تيقولو كان تيتسطى على مراتو و ملي ماتت متزوجش و بنتو دايرها بحال مراتو لدرجة لي تيخطبها تيجري عليه.. و تنسمع بلي بنتو دايرة لفضايح فبلاد الغرب و هو عارف و ساكت..
هارون: مزيان !! هاد فاروق مخدامش؟
حمزة: مرة مرة فاش تترشق ليه لي تيمشي يخدم معاهم.. أجي ماشي هاد العائلة هي لي عندكم معاها عداوة؟؟
هارون: آه!! هي.. قل ليا كيدايرة علاقة هاد فاروق مع ديك ختو؟؟
حمزة: هدا عليا معرفتش حيت راه هي مساكناش معاهم تتقرا فبلاد الغرب راه سنين و هي تما تتجي مرة مرة و علاما سمعت واقلة غيخطبها واحد يعني تقدر تجي ولكن واخا هكاك هداك باها تيجري عليهم.. أجي علاش باغي تعرف عليه هادشي؟؟