الجزء 20
رشيد: الراجل مزوج خاصك تنسايه خاصك تزوجي و تشوفي حياتك الا كان على عمي راه معندو ميدير الا وافقتي!!
نهال بالغوات: مبغيتش!! وااااش متتفهمش منقدرش نتزوج تواااحد واااش تتفهم ميمكنليش!! الا تزوجت شي حد وأنا متنبغيعش غير غنضلمو
رشيد صدماتو ردة ديال الفعل ديالها متخيلهاش تعصب هاكا .. و لكن علاش متقدرش تزوج مفهمهاش مداخلاليهش لراسو.. اي بنت الحلم ديالها تزوج و تكون عائلة علاش ختو معارضة هادشي؟ شنو هاد الحب لي تيتبنى بدون زواج؟ ماشي هادشي لي خلا فاروق يغلط و ينوض صداع كبير مورا هدنة لي دامت سنين؟
رشيد بشك: علاش؟ دوي؟
نهال بعصبية: الا كان عندك عادي تقيس أي وحدة و تنعس معاها أنا لا ميمكنش ليا نخلي شي حد يقيسني وأنا متنبغيهش... غير قل ليا شناهو الفرق لي غيكون بيني و بين بنت الليل؟
رشيد تصدم صدمة خرا هز يديه ناوي يضربها على كلامها لي فيه كلمات محرمة لكن حبس هو واعدها عمرو يمد يديه عليها مزال.. وقف صاعر لقا واحد لفاز حداها هزو و ضربو مع الارض تهرس ودار عندها
رشيد مخنزر: علاش متتحشميش؟ علاش هضرتك ماشي موزونة دوي!!
نهال بخوف: نتا لي سولتيني حاولت نفهمك مبغيتيش تفهم.. أنا غير وضحت ليك صافي
رشيد زير على يديه.. معصب
رشيد: وجدي راسك باش نرجعو للدار
نهال: واخا!!
رشيد خرج عيط للممرضة حيدات ليها السيروم.. نهال دخلات للطواليط غسلات وجهها و خرجات من غرفة هبطات لتحت بان رشيد فالاستقبال.. مشات لعندو
رشيد: يلاه!!
نهال حركات راسها بآه.. مد ليها واحد الساشية ديال الدوا شداتها من عندو وخرجو.. ركبو فطونوبيل و تحرك راجعين للدار صونات ليه حياة و هما فالطريق هضرات معاها نهال طمناتها عليها.. وقف طونوبيلتو حدا واحد الدار
رشيد: بقاي هنا مديري تاشي حاجة تتعصبني..
نهال مدات يديها: عطيني تيليفونك!!
رشيد تنهد و مدو ليها خداتو من عندو فرحانة كان بلا كود.. رشيد هبط من طونوبيل و هي شدات تيليفون حلات الكاميرا باش تسجل..
نهال: اليوم عاوتاني نوضتها مع رشيد و ضربني شوفو حناكي كيف رجعو.. حقدت عليه و كرهتو على شنو دار حيت هاد الايام كولها لي عايشها معايا ممخلينيش على خاطري.. و لكن ليوم ملي جينا للمستشفى حليت عينيا على رشيد آخر فرحت بزااف ملي قال ليا بلي عمرو غيضربني.. و باقي محافظ على الوعد ديالو.. يعني أنا باقي ممتيقاش بلي رشيد تيسولني و تيهضر معايا و تيحاول يفهمني و يلقا ليا لحلول.. عجبني الحال بزااف و مكرهتش يبقى معايا ديما هكا.. حسيت بلي فعلا هو خويا.. تنبغيه بزاااف
YOU ARE READING
الصلح
Paranormalمرحبا بكم فقصتي تنتمنى تنال الاعجاب ديالكم بلا منطول عليكم.. غنعطيطم فكرة صغيرة على القصة لي كتبتها بعد تفكير طويييل هاد قصة كتبتها و أنا متحمسة نشاركها معاكم.. بس: القصة خيالية!!!!! تدور القصة على أحداث غتوقع بين جوج عائيلات معروفين بالعداوة لي بين...
