الجزء 17
فبلاد الغرب
كانت متكية فوق الناموسية جات عندها الممرضة
الممرضة: من الاحسن تبقاي هنايا ليوم!!
نهال حركات راسها بآه
الممرضة: واش بغيتينا نعلم شي حد من عائلتك؟
نهال بحزن: لا!
الممرضة: على خاطرك! الا محتاجة شي حاجة وركي على هنا
نهال حركات راسها بآه الممرضة خرجات و خلاتها.. و كيالعادة هزات تيليفون ديالها حلات الفيديو و بدات تتعاود شنو وقع ليوم و تتعاير و تتسب.. هكا ولفات تخوي داكشي لي فقلبها تبقا تهضر و تعبر حتى تفش عاد تتقطعو.. لكن الفيديو ديال ليوم حزين حيت بكات فيه بزاااف..
نمشيو لبلاد الشرق
آل ليمار
فوزية دخلات عند شاذية وسدات لباب لقاتها شادة تيليفون تتخربق فيه خداتو ليها وحطاتو .. جلسات حداها
فوزية: بنتي أنا بغيت نعرف كلشي لي وقع ليك مع داك السيد من نهار خرجتي من الدار حتى نهار رجعتي..
شاذية تصدمات خصوصا ملي تفكرات لبوسة حناكها حمارو و هبطات راسها بخجل.. فوزية طلعات ليها راسها
فوزية: متحشميش مني أنا ماماك
شاذية عاودات ليها كلشي من غير لبوسة.. فوزية مقتانعاتش بكلام بنتها حسات بلي شي حاجة ناقصة قررات تديها عند الداية..
فوزية: يلاه نخرجو أنا وياك!!
شاذية: فين؟
فوزية: عند الداية!
شاذية غير سمعات الداية تفكرات لبوسة و هي تحرك راسها بلا
شاذية بخوف: لا مغاديش نمشي لعندها ميمكنش؟
فوزية: علاش ميمكنش؟
شاذية تترعد: حيت مكاينش لاش أصلا
فوزية بشك: واش قرب ليك أ بنتي؟ قولي ليا شي حاجة ريحي ليا قلبي!
شاذية بحزن مخلط بالخوف: واش شاكة فيا؟
فوزية: أش جابنا لهاد الهضرة ؟ راك بنتي عارفاك شنو تتسواي خايفاه يكون تكرفس عليك أبنتي
شاذية تترعد بالخوف: لا مدار ليا والو تنحلف ليك
فوزية: وعلاش قال لباك بلي دار معاك؟
شاذية مصدومة تفكرات لبوسة و هبطات راسها و هي تخاف لتكشف و مها تعرف بدات تتكحب بشوية
فوزية خافت عليها: صافي راه مبغيت نعرف والو رتاحي بشوية عليك
ناضت فوزية تجيب ليها دوا قبل متزاد عليها الكحبة و يتحبس ليها التنفس ديالها.. وعطاتو ليها
فوزية: هاكي شربي!
شاذية حركات راسها بآه خدات من عند مها شرباتو دغيا..
YOU ARE READING
الصلح
Paranormalمرحبا بكم فقصتي تنتمنى تنال الاعجاب ديالكم بلا منطول عليكم.. غنعطيطم فكرة صغيرة على القصة لي كتبتها بعد تفكير طويييل هاد قصة كتبتها و أنا متحمسة نشاركها معاكم.. بس: القصة خيالية!!!!! تدور القصة على أحداث غتوقع بين جوج عائيلات معروفين بالعداوة لي بين...
