الصلح

الفصل الأول: الخطيئة

الجزء 15

آل ليمار

منعسوش ليل كامل الكل تيقلب على شاذية فكل بلاصة فالدار ملقاوهاش.. رشيد تكلف بسبيطارات تيسول عليها.. و راوه لبنات لي لقاو فهاد الأيام و داوهم لتما بدا تيقلب ملقاش.. جمال مشا لبلاصة ديال مستودع الأموات تيسول المسؤول غير عرفو بلي من آل ليمار مرفضش باش يعاونو و وراه گاع جثث لبنات لي ماتو فالأيام لي مكانش شادية.. أما علي فمشا عند هداك الجار لي شاف شنو وقع و شنق عليه باش يقول ليه شنو وقع مع بنتو و كلو آمال يلقاها حية..

الجار: أنا قلت ليكم كلشي نسيتي!!

*********فلاش باك *********

أحداث من الجزء 11

عبد الرحيم: شنو واقع هنايا؟ فين لبنات؟
الجار: سلام عليكم

ضارو شافو فيه و ردو عليه السلام

الجار: معرفتش كيفاش نقولها ليكم!! راه جات واحد طونوبيل و داو لبنات بزز حنا سمعناهم تيغوتو..
عبد الرحيم شنق عليه: و بقيتو تتفرجو مدرتو والو؟؟
الجار: غير قل لينا شنو عندنا منديرو خصوصا ملي بان لينا يحيى راميل خارج من عندكم و جار بنتكم وهي مسكينة وجها زرق بالخلعة!!

********نهاية لفلاش باك ********

علي نسا شنو كان قال ليهم بالضبط

علي بغضب كبير: غتقول ليا بنتي فين كاينة ولا غنقتلك
الجار: أنا معرفتش شكون فيهم بنتك!! كانو بزاااف ديال لبنات ديك نهار خطفوهم حطوهم فطونوبيل و عاد جا يحيى راميل دا معاه واحد لبنت كان وجهها مخطوف و غير تتكحب
علي طلق منو مصدوم: قلتي يحيى راميل
الجار قاد حوايجو: آه هو
علي جرو بجهد: غتمشي معايا وغتقول هادشي ليهم گاع داكشي لي شفتي
الجار: مدخلونيش فالصداع لي بيناتكم مفهمتش واصلة بيكم العداوة تلعبو بالنسا

علي مشعرش حتى عطاه كروشي طاح فالأرض شاد وجهو و هو مخلوع حيت عارف لي قدامو واحد من عائلة ليمار و كلمتهم مسموعة..

علي بتهديد: غتزيد كلمة وحدة فحق عائلتي ندفنك هنا.. و نتا عارف حنا علاش قادين!!

الجار تخلع ناض ساس حوايجو

الجار: يلا
علي: هكاك نبغيك

نمشيو عند يحيى و شاذية

يحيى لي فاق بكري بانت ليه باقا ناعسة هبط لتحت داخل للكوزينة

يحيى: على آخر أيام وليتي توجد لفطور، و لمن لبنت! ههههه

أما لفوق شادية حلات عينيها بان ليها لبلاصة متتعرفهاش غير بلاصة لي كانت فيها قبل.. بدات تتخلع و تتكحب هو غير سمعها تتكحب مشا لعندها بالزربة..