Unicode
ညနေ ၃ နာရီထိုး၍ ရုံးဆင်းချိန် ရောက်တာတောင် မပြန်သေးဘဲ ငွေစာရင်းများကို အထပ်ထပ်အခါခါ စစ်နေမိသည်။ ကိုသျှန်းနှင့် မတွေ့ချင်သေးတာကြောင့် မရှိသည့်အလုပ်ကို ရှာကြံ၍လုပ်နေခြင်းသာဖြစ်၏။ ထိုစဥ် ကိုသျှန်းက ဖုန်းဆက်လာတာကြောင့် တုန်လှုပ်သွားသည့် စိတ်ကို ဖိနှိပ်ကာ ဖုန်းကိုင်လိုက်၏။
"Hello. . . ကိုသျှန်း "
[ကိုယ်မင်းနဲ့ လိုက်ပြန်လို့ရမလား]
" ဗျာ "
[ ဒီလိုပါ... ပြန်ခါနီးကြီး ကိုယ့်ကား ဘီးပေါက်သွားလို့ ပြင်ဆိုင် ပို့လိုက်ရတယ်။ အိမ်ကနေ နောက်တစ်စီး ခေါ်ရင်လဲ ကြာအုံးမှာမလို့ ]
"ရတာပေါ့ ရတယ် ကျွန်တော်လည်း အလုပ်တွေပြီးသွားပြီ
ပြန်ဖို့လုပ်နေတာ"[ဟုတ်ပြီ.. ကိုယ် ကားပါကင် မှာ စောင့်နေမယ်]
စာရွက်စာတမ်းများကို အသေအချာ သိမ်းဆည်းလိုက်ပြီး ဓာတ်လှေကား ဆီကို မပြေးရုံတမယ် သွားလိုက်၏။ ကားပါကင်ဆီရောက်တော့ မိမိ၏ကားရှေ့တွင် မတ်တပ်ရပ်စောင့်နေသည့် ကိုသျှန်းကိုတွေ့လိုက်ရ၏။ အနားရောက်သွားပြန်တော့လည်း ကိုသျှန်းကို မျက်နှာချင်း မဆိုင်ဘဲ ကားတံခါးကိုသာ ဖွင့်လိုက်သည်။
" ကျွန်တော် အရေးကြီးစာရွက်စာတမ်းတွေကို
သိမ်းနေရလို့ ကြာသွားတယ် ""ကိုယ့်ကြောင့် အလောတကြီးဖြစ်သွားရတာ အားနာပါတယ်"
"မဟုတ်တာ...တက်လေ သွားရအောင်
ထွဋ်ထွဋ်လေး ကိုသျှန်းကို စောင့်နေတော့မှာ"မဟုတ်တာလုပ်ထားသူက ကိုယ်ဖြစ်တာကြောင့် မလုံမလဲ ဖြစ်ပြီး စကားပြောနေချိန် ကိုသျှန်းကို မျက်လုံးချင်း ဆုံအောင် မကြည့်ရဲ
ကားကတရွေ့ရွေ့သွားနေပေမဲ့ ကားအနောက်ခန်းက လူနှစ်ယောက်ကတော့ မလှုပ်မယှက်ပင်
နှစ်ယောက်လုံးက ကျောက်ရုပ်အတိုင်းပင် တောင့်တောင့်ကြီး ထိုင်နေကြ၏။ မည်သူ့ဘက်ကမျှစ၍ စကားတစ်ခွန်မဟကြ* ကိုသျှန်းက လည်ပင်းပေါ်မှာ ငါချန်ခဲ့တဲ့ အမှတ်အသားတွေနဲ့ ပတ်သတ်ပြီး ဘာမှမပြောတာ ဘာဖြစ်လို့လဲ ? ငါလုပ်တာမှန်းမသိသေးတာများလား...မဖြစ်နိုင်ပါဘူး*
YOU ARE READING
𝐍𝐢𝐠𝐡𝐭𝐦𝐚𝐫𝐞𝐬
RomanceUnicode ငါလိုကောင်မျိုးက မမွေးဖွားလာသင့်ဘူးဆိုရင် မင်းတို့အားလုံးကလည်း အသက်ရှင်ဖို့ မထိုက်တန်ဘူး -------------------------------------- Zawgyi ငါလိုေကာင္မ်ိဳးက မေမြးဖြားလာသင့္ဘူးဆိုရင္ မင္းတို႔အားလုံးကလည္း အသက္ရွင္ဖို႔ မထိုက္တန္ဘူး Warning⚠ : viol...