ထိုင္းႏိုင္ငံ၊ ပတ္တရားၿမိဳ႕၊ ေလွ်ာက္လမ္းရွည္ႀကီး၌ ျဖစ္၏။
ည ၁၁နာရီေက်ာ္ၿပီ။ ညဥ့္နက္လာေလ ၿမိဳင္ဆိုင္ေသာ တီးလုံးႏွင့္ နီယြန္မီးမ်ားက လမ္းတေလွ်ာက္ ျမဴးႂကြေအာင္ စြဲေဆာင္ေနဟန္ရွိသည္။ ဤလမ္းတေလွ်ာက္မွာ Red Light District ဟု နာမည္ေက်ာ္ၿပီးသားျဖစ္၍ ႏိုင္ငံျခားသားမ်ားႏွင့္ ေဒသခံမ်ားမွာ တိုးတိုးႀကိတ္။ လိုခ်င္ေသာ ဆႏၵမွန္သမွ် ျဖည့္ဆည္းေပးႏိုင္ေသာ ေနရာျဖစ္သျဖင့္ ေလထုကား တက္ႂကြမႈႏွင့္ မိုက္မဲမႈတို႔ စိုးမိုးလ်က္။ ေမွာင္ေလ မိုက္ခ်င္ေလႏွင့္ အာသာေျပခ်င္သမွ် ျဖည့္ဆည္းေပးႏိုင္ေသာ ေနရာတစ္ခုပင္။
လူပ်ိဳအ႐ြယ္ေကာင္ေလးတစ္ေယာက္မွာမူ တိုက္ခန္းျပတင္းဝ၌ လက္တစ္ဖက္ထုတ္၍ စီးကရက္ကို ဟန္ပါပါေသာက္လ်က္။ တအုံအုံတႂကြႂကြျဖစ္ေနေသာ လမ္းေပၚက လူမ်ားကို ၾကည့္လ်က္ႏွင့္ သနားေသာအၿပဳံးတစ္ခုကို ၿပဳံးလိုက္မိသည္။ မည္သူ႔ကို သနားခ်င္မွန္းေတာ့မသိ။ အားလုံးကိုသာ သနားခ်င္သလိုလို။ ထို႔ေနာက္ စီးကရက္ကို ျပာေခြၽခ်လ်က္က အခန္းတြင္းသို႔ ေခါင္းလွည့္လိုက္ကာ ...
"ကိုၾကည္၊ ဘီယာ မွာေပးရအုန္းမလား။ ပိုင္ မွာရင္ ေရမေရာေစရဘူး၊ စိတ္ခ်"
"ေတာ္ၿပီ။ ပိုင္ ေသာက္ခ်င္ရင္ေတာ့ ေသာက္ေပါ့။ ကိုၾကည္ တိုက္ပါ့မယ္"
"အေဖာ္မရွိရင္ မေသာက္ခ်င္ေပါင္။ မူးရမွာ ပ်င္းစရာ"
"ေဟာဗ်ာ။ သေဘာရွိပါ့ ပိုင္ရယ္၊ အားမနာပါနဲ႔။ ဒီည စိတ္ႀကိဳက္နားပါ။ ကိုၾကည့္ကို တစ္ညလုံး ေပးမယ္ဟုတ္?"
"အို၊ ပိုက္ဆံလက္ခံၿပီးသားပဲ။ ပိုင္က Customer အေပၚ တာဝန္ေက်ပါတယ္။ အိပ္တုန္း ထြက္မေျပးတတ္ပါဘူး"
"သိပါတယ္ဗ်ာ။ စတာပါ။ ကယ္၊ အနားလာပါအုန္း။ ဖက္ထားခ်င္လို႔"
ပိုင္မွာ စီးကရက္ကို တစ္ဝက္တျပတ္ႏွင့္ လမ္းဘက္လႊင့္ပစ္လိုက္ၿပီး ျပတင္းတံခါးကို လွစ္ခနဲ ပိတ္လိုက္၏။ လမ္္းေပၚေလွ်ာက္ေနသူ တစ္ေယာက္ေယာက္သာ သူ႔စီးကရက္မီးႏွင့္ ထိပါက ပိုင့္တာဝန္မဟုတ္ပါ။ ပိုင္ ေသာက္ၿပီး ပစ္ခဲ့တာမွန္းလည္း မည္သူသိမွာမို႔။ ပိုင္က ဤကဲ့သို႔ ခပ္ဆိုးဆိုး။
YOU ARE READING
ပုံပြောသူ
General Fiction"ပိုင် ကတော့ အဖြစ်ဆိုးမှန်သမျှ မေ့ပစ်လိုက်ပြီး စိတ်ကူးလှလှတွေနဲ့ ငယ်ဘဝကို အစားထိုးနေတာပဲ။ ပိုင် စိတ်ကူး ယဉ်ရတာကိုကြိုက်တယ်။ ငယ်ငယ်ကတည်းက ကြိုက်ခဲ့တာပဲ။ စိတ်ကူးထဲ ပျော်မွေ့နေနိုင်တာကိုက ပိုင့်ဘဝရဲ့ အနှစ်သာရပဲလို့ ယုံကြည်တယ်။ ဘာလို့ဆို ပိုင် စိတ်ကူးယဉ...
