ကိုၾကည္က နားေထာင္ခ်င္ေသးသျဖင့္သာ ေျပာရသည္။ မနက္ ၃နာရီထိုးၿပီ။ ပိုင္ကေတာ့ သက္ေတာင့္သက္သာ အႏွိပ္ခံ၊ အပြတ္နယ္ခံရင္း ေျပာရ႐ုံ။ မသကာ ပါးစပ္ေညာင္း႐ုံမွ်။ ကိုၾကည့္ေလာက္ မပင္ပန္း။ ကိုၾကည့္ခမ်ာမွာေတာ့ ႏွိပ္အားေတြ ေလ်ာ့လာလ်က္၊ အားကေပ်ာ့ခ်င္ၿပီ။ ခါးက ေကာ့ခ်င္ၿပီ။ သူလည္း ႏွိပ္လြန္း၍ ေညာင္းလွေရာေပါ့။ စာနာပါသည္။ သို႔ႏွင့္ ကိုၾကည့္ကို ဆက္မႏွိပ္ေစေတာ့ပဲ ပိုင့္ေဘး၌သာ လွဲအိပ္ေစလိုက္သည္။
ဒီေတာ့မွ ကိုၾကည္မွာ အေမာေျပသြားသလို လက္ခုံျဖင့္ ႏွဖူးမွေခြၽးမ်ားသုတ္၏။ ထို႔ေနာက္ ပိုင့္လည္တိုင္ေအာက္ လက္လ်ိဳဝင္လာကာ ေခါင္းအုံးတစ္ခုေပၚ၌ အတူတူေမွးၾကေတာ့သည္။ ကိုၾကည္ကေတာ့ ပိုင့္မ်က္ႏွာေလး ရႈစိမ့္လ်က္ေပါ့။ ပိုင့္မွာလည္း မ်က္ႏွာက်က္မွ LED မီးလုံးမ်ားကိုၾကည့္ရင္း မိမိေျပာေနသည္မွာ ပုံျပင္ေလာ ျပဇာတ္ေလာဟု ေမးခြန္းေတြ စီတန္းေနမိသည္။ ကိုယ္ က,ခဲ့တဲ့ဇာတ္ကို ကိုယ္တိုင္တည္းျဖတ္၍ ေျပာရသည္မွာ အထားအသို ဂ႐ုစိုက္ရ၍ နားေထာင္သူ စိတ္ဝင္စားေအာင္၊ စိတ္မပ်က္ေအာင္လည္း ျပဳျပင္ေျပာရေသးသည္။ နားဆင္သူပရိတ္သတ္က ကိုယ့္ေက်းဇူးရွင္သဖြယ္ တစ္ႏွစ္နီးပါး ေထာက္ပံ့လာခဲ့သူကိုး ...
"ကိုၾကည္ ... ေမာေနေသးလား"
"မေမာေတာ့ပါဘူး ... အားနာလိုက္တာ ပိုင္ရယ္။ ကိုၾကည့္ကို ပိုင္ႏွိပ္ေပးရင္လည္း ဒီလိုပဲ ေမာသလား။ ပင္ပန္းသလားဟင္။ ကိုၾကည္ေတာ့ အခု သုံးနာရီဆက္ေလာက္ႏွိပ္ပစ္လိုက္တာ လက္ေတြ၊ ခါးေတြ ေညာင္းကိုက္ေနေရာပဲ ... စိတ္ညစ္လို႔ ညီးတာမဟုတ္ဘူးေနာ္။ ပိုင့္ကို သနားသြားလို႔"
"အို ... ကိုၾကည္ရယ္။ ခုေတာ့ ဘယ္ေလာက္ပင္ပန္းသလဲသိၿပီမို႔လား။ တခ်ိဳ႕ေတြမ်ား လြယ္လြယ္ပိုက္ဆံရွာတဲ့သူေတြဆိုၿပီး ပိုင္တို႔ကို ရႈတ္ခ်ၾကတယ္ေလ။ ပိုင္တို႔လည္း ပင္ပန္းၿပီးမွ ပိုက္ဆံရတာပါ။ ႏွိပ္ရ၊ ျပဳရ၊ ပင္ပန္းရတယ္။ Customer ေတြရဲ႕ ညစ္ညမ္းတဲ့ မ်က္ႏွာ၊ စိတ္ထား၊ အမူအရာေတြတိုင္းကို ျဖည့္ဆည္းၿပီးမွ မသကာေရစာ ရတာပါ။ ဒါေတာင္ တခ်ိဳ႕ဆို ကိုယ္ထိလက္ေရာက္ အႏိုင္က်င့္ၾကတာရွိေသး။ အဲ့လိုမ်ိဳးဆို ပိုင္တို႔က ဘယ္သူ႔သြားတိုင္ရပါ့။ အရွက္က ႏွစ္ခါကြဲအုန္းမယ္။ ၿပီးရင္ ပိုင္တို႔မွာ လူအေ႐ြးခံရဖို႔လည္း ကိုယ့္ကိုကိုယ္လွဖို႔ ထိန္းသိမ္းရေသးတယ္။ ေဆးေတြ ေသာက္ရ၊ Gym ေဆာ့ရနဲ႔။ ညဘက္အလုပ္လုပ္ၿပီး တစ္ေနကုန္ ႏွပ္ေနတယ္မ်ား ထင္ရင္မွားအုန္းမယ္။ မနက္ခင္းတိုင္း ပိုင္တို႔ Gym ေဆာ့ရပါတယ္ဗ်ာ။ ... ကယ္ကယ္ ... ခုမွ သနားတဲ့မ်က္လုံးေတြနဲ႔ ၾကည့္မေနပါနဲ႔။ သိၿပီမလား။ ဒါေတာင္ ေရာဂါစုံရတဲ့ ကံဆိုးသူေမာင္ရွင္ေတြ ရွိေသးတယ္။ ေျပာရင္းနဲ႔ ပိုင္ေတာင္ ဘယ္ေလာက္ ကံဆိုးေနသလဲမသိ ..."
YOU ARE READING
ပုံပြောသူ
General Fiction"ပိုင် ကတော့ အဖြစ်ဆိုးမှန်သမျှ မေ့ပစ်လိုက်ပြီး စိတ်ကူးလှလှတွေနဲ့ ငယ်ဘဝကို အစားထိုးနေတာပဲ။ ပိုင် စိတ်ကူး ယဉ်ရတာကိုကြိုက်တယ်။ ငယ်ငယ်ကတည်းက ကြိုက်ခဲ့တာပဲ။ စိတ်ကူးထဲ ပျော်မွေ့နေနိုင်တာကိုက ပိုင့်ဘဝရဲ့ အနှစ်သာရပဲလို့ ယုံကြည်တယ်။ ဘာလို့ဆို ပိုင် စိတ်ကူးယဉ...
