أخي الغيور

﮼البارت،السابع،ج٢

#اخي_الغيور
#للكاتبة_مهرة
#انستكرام mohra_9_30

ملاحظه مهمة : البارت نزلته على جزئين يعني تقرأون هذا البارت و التكمله بارت ثاني

دك تليفون عزام و جان جدي ما فتح خط
: همسته ليش متجاوب حبيبي
: خل نگضي عشانه و اخابرو

خلصنه و وهديل وگفت تغسل مواعين واني نصيت جوه الچاي و حضرت الصينة واخذت الچاي انطيته لخاله تصب واني رجعت لهديل لان اسد يبچي يريد ينام ، گتلها روحي نومي اسد واني اكملهم

گالت
:انتي سويلو ممه واخذي نومي
: تعجبت هي صار فترة ماتخليني اتقرب لاسودي كل ماتشوفني شايلته تاخذه و تصعد اني هم گمت ما اشيله بس ابوسه وامشي لان احبه وهو جان متعلق بيه

اخذته يمهم خليته بحضني و انطيته الممه واللعب بشعره نام بسرعة اليوم تعب حبيبي خلصها ركض و وگعات هههه

شلته وگلت الهديل
: هديل اصعده لغرفتكم لو اخلي بغرفة خاله ديسولفون ويفز من اصواتهم
: لا فدوه صعدي خلي بچريايته وانه خلصت بس اغسل السنك هسع اصعد وراچ

صعدت خليته بسريره و غطيته سمعت اشعارت مال تليفون باوعت ع الميز هذا تليفون هديل ردت اخليه صامت حتى ميفز اسد فتحته مابي رمز تليفونها رجعت وصلت اشعارت واتساب

اسم هند
طلعت الكتابة ليفوگ
: يول لا تصيرين ثوله عليش انتي خايفه
ها اجاني احساس السالفة تخصني دخلت ع المحادثة
وبديت اسحب المحادثة وأقرأ
هند : يول لا تخافين انتي اخذي من جنطتها اول ماترجع من الدوام حتى تگول ضيعتو بالدوام

: يول اخاف انتي تريدين تهجمين بيتي انه شحصل اذا سمع ليث ونفضحت

: يول حتى تخلصين منها ، احسن ضاله تخدمين ولا حمودا ولا شكورا

اخر شي هديل كاتبه ، ما ابوگ تليفون هزار لا تنتظرين مني شي
وهسه هي مجاوبتها

: يول لا تصيرين ثوله عليش انتي خايفه

هنا اني ضليت مصدومه وخايفه ، شمسويتلهن ويركضن وره خراب حياتي بشنو مأذيتهن

خلت التليفون بمكانه وصلت للباب ورجعت عليه اخذت سكرين للمحادثة ودزيتهم لرقمي وحذفت محادثتي وياها بعدين دخلت للستوديو خذفت السكرينات

ونزلت ع الدرج تلاگت وياي هديل گالت
ها شو تاخرتي
: فز اسودي و رجعت نومته
: مشكوره حبيبه تعبتج
: ما بيناتنا هاي السولف شتعبتني

كملت طريقي عزام جان يحجي بالتلفون
: ماشي جدي باجر امرك

بابا صاح هزار بابا راسي يوجعني ما تمرخينه الي
:اي بابا جايه

هو متمدد ع الزوليه وجوه راسه مخدتين اجيت گعدت مدنگه عليه وبديت امشي اصابيعي على گصته وهو مغمض عيونه احرك اصابيعي بهدؤ بقيت مستمره بحركت ايدي الهادئة عكس الي بداخلي