أخي الغيور

﮼تكملة،البارت،الواحدوالثلاثون

#أخي_الغيور
#للكاتبة_مهرة

سما
بعد ما شفت سيف وحسيت بخيبة امل ثاني يوم حتى للكلية مرحت للعصر اخذت ريام وداروح لصديقتي يمي بنفس المنطقة حتى اجيب منها سجل المحاضرات

لبست بنطرون وقميص قصير ، اول مطلعنه بعدنا بالباب
طبگت سيارة سيف وحيدر ويا ، مباوعتله مردت افشل نفسي ، نزل حيدر انطاني علاگه گال هاي ماما دزتها لخاله

سيف

من رجعت أني و أبويه من المحلات تغدينه ، وشربنه چاي وبعدها رحت نمت گعدت العصر ، بدلت وطلعت لگيت حيدر گاعد على البلي ، گتلو حيدر تطلع نفتر بالسيارة ، حيدر كيف بدل ونزل ، أم هزار گالت لحيدر

: ماما مر على بيت خالك انطي هاي الأغراض لخالتك

طلعنا بالسيارة

حيدر : سيف بيت خالو بالشارع الورانه

: فتنه بالفرع ويا ما ركنت السيارة طلعت سما و وياها بنيه ثانية مبينه زغيره بس محجبه لابسة رداء و حجاب
والضيم گلبي لابسة بنطرون ضيگ والقميص گصيف والشعر مفتوح ،

انه من دحگتها وأحس نار وشبت بيه راسي گام يفور ، شمئريت من منظرها ، انه اتخبل إذا ادحگ حرمه ، تعرض مفاتنها للخلگ ، البنية الزغيره حچت وياي وجهه بريء وضحگه تارسه عيونها لسود

:أنت سيف مو صح

: اي يحلوة انه سيف وانتي منو

: اني ريام بت خال هزار شايفه صورك بتليفونها

: يا هلا وغلا بريام

: طبعا من گد محچو هزار وسما بالعرس مال اخوك اتمنيت لو حاضر وياهن

: هههه ولا يهمچ بعرسي انتي اول الحاضرين وانه اعزمچ بنفسي

: هههه اكيد اجي بس ستعجل لان حييل متشوقه

: وهسع وين رايحة يحلوة

: هنايه قريب بس سما تجيب سجل المحاضرات من صديقتها

: عجل يله اصعدي خلونه انوصلكم

سما
ريام ومتعرف تسولف ونزلت سوالف وضحك ويا ، بس الحقير ويا كل كلمة يگُللها يحلوة ، حرگ دمي ، النوب گال ، احنه انوصلكم وهاي وگالت باطل گبل صعدت
: ريام انزلي لويش انأخرهم بيت زهراء قريب

: يا قريب بعد اربع شوارع مزين لگينه احد يوصلنه
يله اصعدي خل ارجع ورايا امتحان

: عصبتني هل حيوانه ، صعدت وطلعنه وريام منطلقة بالسوالف ويا ، وهو همات مقصر الضحكة شاگه حلگه
مال بوگس اخربط وجهه ، واني ساكته دايرا وجهي واباوع ع الشارع