أخي الغيور

﮼البارت،الاول

#أخي_الغيور

للكاتبة _مهرة
@mohra_9_30
بدأت احداث قصتي بعد ما خلصت السادس إعدادي ،طلعت معدل ٨٠وطلع قبولي كلية العلوم جامعة الأنبار
فلازم أداوم أول سنه بالأنبار، وثاني سنه انقل لبغداد الي هي محافظتي ، ف بابا گال خلصي السنه الأولى يم اخوانچ بالأنبار والثانية انقلچ هين ابغداد
خل اوضحلكم شلون اخواني بالأنبار و احنه و بابا ابغداد
• بابا اصله من الأنبار ومتزوج اثنين الأولى هناك بالأنبار وماما الثانية
هسه تگلون ليش مو ثنينهم بنفس المحافظة : لح احچلكم قصته
بابا كان يدرس بجامعة بغداد قسم تاريخ وماما كانت ويا بنفس القسم و المرحلة ، طبعا ماما من أهل بغداد ، فحبها بابا وتعلق بيها وهي هماتين حبتا لا عشقته مو بس حبتا وصلو للمرحلة الأخيرة ومن بداية المرحلة

بابا راح لجدو وفتح ويا الموضوع بان هو يحب بنيه ويا ويريد يتزوجها جدو ما يريد ولده يأخذون غريبات ، لهذا عمي الچبير #برزان  لان ما راد من أقاربه جدو زوج عمامي الأصغر منه وتركه لحد ميقتنع وحده ، وفعلان
هذا الي صار عمو رضخ للأمر الواقع وقتنع بالزواج  بعد ما صار عمره ٣٧ سنه وخطب بنت عمه
والي زاد الأمر سوء ماما من غير طائفه وبت بغداد
جدو كانت نظرته انو هاي البنيه متناسب ابنه و لا ترهم ويا عيشتهم وهي من عائلة معروفه ابغداد و ابوها قاضي هماتين
فجدو رفض رفض قاطع ، حاول بابا بشتى  الطرق حتى أبو يغير رأي  وسط عمامه خواله حتى يأثرون على أبو بس كان الرفض هو نهاية كل نقاش ويه جدو لحد ما يئس بابا من موافقت جدو ع الزواج ،  بس بابا مصارح ماما بموقف جدو لان يعرف ماما كُلش تحبه وخاف عليها إذا تعرف تتاذه هوايه ،
جدو بدأ يضغط علي بابا حتى يقبل يخطبله من أقاربه
ويزوجه ويا عمو برزان بس بابا رفض رفض قاطع ،
فتزوج  عمو برزان ، وبعد ست أشهر من زواجه  توفى عمو بحادث ، وبعد فترة من وفاة عمو وجدو راد من  بابا يتزوج ارملة عمو لان بنت اخو و كان مقهور عليها ، بس بابا رفض ومقبل ابد ، بعد ما ايس جدو گال لبابا ، إذا قبلت تتزوج بنت عمك انه اروح وخطبلك البنية الانت رايدها ، وتصير مره ثانية آلك ،
وغير هذا الحچي ما عندي ، بابا ضل حاير لان يعرف جدو إذا نفذ أوامره مراح يخلي يتزوج حبيبته ، بابا راح وحچه لماما كُلشي ، ماما رفضت مقبلت احد يشاركها بحبيبها ، بقى بابا يقنع بيها لحد ما قنعت لان لو تقبل لو يفترفون ، فماما اضطرت أتوافق لان متگدر تضحي بحبها و بابا ، اتزوج بابا ارملة اخو وكانت اكبر منه بسبع سنوات وبعد شهر من زواجه ، جدو وفا بوعده لبابا وراح لبغداد وأخذ ويا ناس حتى يخطب ماما ، وهم أهلها ما وافقوا لان زوجة ثانية ، بس رجعوا ودوا ناس تاثر عليهم ، وفقوا بس بشرط انو بنتهم ما تطلع من بغداد ، صارت الموافقات وهشكل صار بابا بين بغداد و الرمادي ، وهسه اني عندي اخوان من بابا ٤
عزام اخويه الچبير عمره ٢٧
ليث و سيف توئم ٢٥
و وليد اصغر واحد ٢٠

#أخي_الغيور

للكاتبة _مهرة
@mohra_9_30

أما ماما ما صار عدها أطفال بالبداية سبع سنوات يله صرت اني و اخوية حيدر عمره ١٤ سنه