أخي الغيور

﮼البارت،الثاني،عشر

#أخي_الغيور

للكاتبة _مهرة

هزار
٤:٠٠ عصرا

گعدت جوعانه نزلت محد بالبيت بس خاله، سويت لفت جبن وحمت الچاي وصعدت لغرفتي أراجع محاضراتي 
مال باچر خلصتهم و نزلت ،

لگيت خاله دصلي گعدت اتفرج ع التلفزيون شويه

ورجعو اخواني ، من الباب ويصحون جوعانين ، احذولهم فره بالمطبخ هجوا ع الثلاجة ، وهذا كله وميبين عليهم تلاثتهم طوال و رفاع

بس عزام، طويل مثلهم بس جسمه ضخم ،

خلصت خاله صلاتها

خاله شنسوي عشا اليوم

: يمه عدنه بالمجمده كبة برغل و كبة تمن ، وخابري عزام يجيب صمون ويا

: طلعت الكبة و بديت أگلي بيها ، خابرت عزام

:الو
: هلا
: عزام انت وين
: جايكم بالطريق ليش
: جيب وياك صمون
: ماشي بعد هم محتاجين شي
: ها اي بس ببسي ههه
: ههه ماشي شويه واجيكم

گاعدين نتعشا وسولف وضحك كالعادة  و دگ تليفون ليث گال
هذا جدي
الووهلا جدي
باچر ؟
ماشي نجيكم من وكت

عزام : شكو
باچر جدي يريدنه من وكت يسوي ثواب مثل كل سنة
: اهاا خير ان شاء الله واصل

شفت الأجواء صارت مو طبيعية الكل سكت خاله تركت الأكل وگامت و الولد بقوا واحد يباوع  ع الثاني

٨:٠٠صباحاً
طلعنه اني و عزام وصلني للجامعة و راح خلصت محاظراتي  و أجاني عزام صعدت
: هلو عزام
: هلو هزار
ما اعرف شبي ضايج، و ساكت ،طول الطريق ما حچه ولا كلمة ،عكس كل مرة نخلص الطريق بس انسولف
اني هم ما سألته

وصلنه صعدت بدلت ونزلت حميت الأكل وصبيته عزام گاعد بالصالة ، اخذت الأكل وگعدنه نتغده اكل شويه و گام
:عزام اشو  ما أگلت شي
: ما اشتهي بس جيبلي چاي لغرفتي

خلصت آكلي وخذتله چاي خليته ع الميز و طلعت ، بس بالي مشغول بي ، من البارحة بعد تليفون جدو الأجواء كُلها تخربطت ، ما فهمت شنو الي صار ، رحت الغرفتي نمت گعدت العصر

طلعت من غرفتي عزام نازل واصل لنهاية الدرج من طلعت ما نتبهلي توجه لغرفة خالتي ، نزلت اروح للمغاسل ، باب الغرفة مال خاله مفتوح شويه يطلع الصوت بس ميشوفوني ، دافوت وسمعت خاله تگول لعزام .......

: ول يمه عليش ماتروح للثواب مال ابوك
عزام : چم مره أعيد انه ابويه مروان برزان ما اعترف بي ابويه ، ابويه مروان الرباني مو برزان النكرني وظلمچ ( يحچي بغضب مكتوم وقهر )