أخي الغيور

﮼البارت،الرابع،عشر

‏ #أخي_الغيور

للكاتبة _مهرة
@mohra_9_30
‏
عزام
ليث من راح حتى يستلم الفلوس من هذا النطابه ، وانه خابرتو گال موجودات ، واحنه صار فتره طويله من خلصت مهلتهن ، وكل مره يتعذر ويتوسل حتى اصبر عليه ، بس احنه ماخذين عليه كمبيالات ، يعني حقنه محفوظ ، من راحلو ليث يگلو انه كلامي ويا اخوك وفلوس ماعندي ادفع ، فصار حچي وتكاونو ، واحد من أهل المحلات هناك يعرفني اتصل عليً گال الحگ لخوك تكاون ويه الزلمه بمحلو ، انه چنت راجع للبيت نسيت أوراق الي محتاجهن بالمكتب ، النوب هذا خابرني ويا طبتي للبيت امي وهزار سمعن ، المهم اخذت سلاحي وطلعت ، بس گلبي ظل يم امي ، وصلت
لگيت الناس فاكتهم ، والنجدة موجوده ، ليث مسوي الزلمه جنازه ، بعد انه اكمل عليه !!، ما حاچيتو ، أخذتهم الشرطة للمركز ، خابرت سيف جاب الكمبيالات عندو بالخزنة مال المخزن ، جدي مخابر سيف هم لحگنه للمركز ، الزلمه توقف من سلمت الأوراق للضابط و ليث طلعوا ، جدي گال بالليل اجيكم ، واحنه طلعنه للبيت ، دخلت للبيت وتلگتنه هزار هي شافتنه وگامت تبچي وتلوم بينه ،انه نسيت تليفوني بالسيارة و ليث تليفونو هافو ع الزلمه من تكاونو ، بعد حبيبة گلبي وانه ادحگها تبچي وتحچي بحرگه ، گلبي گبل رجليه مشالها ، حضنتها اريد اسكتها ، النوب هي حاوطتني بديها، وهي تبچي بصدري ، جسمي كلو گام يرجف ، ظميتها لصدري اكثر ، ومابدي اتركها لو ما هي ابتعدت ، وگالت امي متخربطه ، دخلت لامي ونفس بچيت هزار ، شلون انه ويا هل اثنين الماتحمل ادحگ دموعهن ، بست راسها وحضنتها ، النوب شافت ليث مضروب انريد نسكت امي ماكو ، لازمه ليث وتبوس بي ....

: ولكم يمه ليش هيچ تردون تموتوني ، فلوس تروح وتجي انه أو صاير بواحد منكم شي الفلوس تفيدني

( لازمه راسها وتبچي أم عزام )
( ليث مرجع رأسه على ظهر القنفه وهزار تعقم بجروحه )
هزار
وجهه ليث بي كم ضربه وشفته وارمه ، جبت معقم وكطن ، وعقمت جروحه النوب ، خليت مكعبات ثلج بكيس وانطيته يخليهم على شفته

سيف : هزار ناوشيني جهاز الضغط خل انشوف ضغط امي إذا مرتفع حيل حتى اخذها

: جبت الجهاز وسيف شافه الها ، لگاه صاعد ١٦ ، رادو يأخذوها ، بس مقبلت گال

: يمه هزار بس خدريلي نومي هسع ينزل
ليث : هزار متكلون ومضروب و الشحن خلص كتلني الجوع
: هههه صار تدلل
سويت نومي لخاله وسويت العشا وگاعدين دنتعشا دگ تليفون عزام
هلا شهم
يول خل نخلص  عشا ، نص ساعة يله تجون هههه
سد التليفون وگال
: خالتي هم گالبتها مناحه عليهم ، رواح يجون

: خلصنه عشا وخسلت المواعين وخليت قوري چبير مال چاي ع النار ، شويه و دخلو علينه بيت عمو رشيد
جدو و عمو وشهم وخاله أم شهم و هديل

( أم شهم حضنت ليث وتبوس بي )
يا بعد گلبي يا خاله الله يكسر إديا
وليد : خاله هو فلش الزلمه خلا بي ادين هههه