أخي الغيور

﮼البارت،ماقبل،الآخير

#أخي_الغيور
#للكاتبة_مهرة

#ملاحظه اقراو البارت الي قبله لان صار عليه تعدين

هزار
بعد خطوبتنا بيوم ،بابا وماما گاعدين بالصالة واني داسوي چاي البابا ، أسمع بابا

يگول

: زينب ابدي جهزي هزار ترا العرس الشهر الجاي

: مروان شنو شهر على شنو هل الاستعجال ؟!
قبل الدوام بأسبوع أو أسبوعين يتزوجون .

: أنت بس گليلي عليش معترضه ، ترا شهر كامل تگدرين تجهزينها ، وبعدين شلون قبل الادوام تردينها تداوم وهي بعدها عروس

: جبت الچاي وگعدت ، ماما بعد ما حچت بس اباوع لعيونها تلمع من الدمع ، بابا شرب چاي وطلع

ماماحبيبتي  إذا تردين انأخر العرس اني احچي ويا عزام وأخلي يأجله ، بس لتضوجين ... صفنت بوجهي وگالت

: هزار ماما تحبي ؟

: اني هنا ما اعرف شصار بيه رجفت اديه واني احاول اخفي ارتباكي  صعب وحدة تعترف لامها بحبها

أبتسمت ماما وگالت

:تعالي سولفيلي شلون حبيتي

: من شفتها أبتسمت اتشجعت ، حچيتلها على عزام من اول يوم دخلت بيه عليهم من غيرته وأهتماما بيه ، من عرفت هو مو اخويه ، ويوم العركة الي ويا ليث من حضني عزام وبيها حسيت بنفسي تغير شي بيه لعزام ، من اتمرضت وعرفت عزام همات يحبني

مرات أتردد احچي بس هي ترجع تشجعني حتى اكمللها قصتي ويا عزام ، تفاعلت كُلش ويا قصتنا ههه
چانت تبين على ملامحها الفرحه والصدمة ، ومرات تعصب على عزام ههه
ونقهرت من حچيتلها من سافر عزام للأردن ، والي مرينا بي بوقتها اني واخواني وخاله

بعدين گامت ماما خابرت خاله ام عزام وحچت وياها ع الجهاز
ماما گالتلها أني اشتري الجهاز كُله حتى النزلات

ثاني يوم  بدينه نطلع اني وماما وخاله إيناس نشتري بس شنو مخلصت لا بيوم ولا يومين

عزام
٧:٣٠

مدري شبيه خطبتها وما مصدگ ههه ، يمكن لان تعودت
ما يوم  حصلت  على الاريدا الا ينشلع گلبي يله  ، بعد اريد اعقد محكمة ، حتى يرتاح گلبي وهل أنتظر جيتها هي و أبويه يجيبها ويا  حتى  انروح نعقد ،

ملهوف على شوفتها ، رغم  يوميه نحچي بالتليفون بس مايطفه شوگي بالعكس احسو يزيد ما ينگص ، شيخلص هل أسبوعين وتصير بحضني

نزلت لگيت أمي والولد گاعدين 

: صباح الخير

: صباح النور

: صباح النور بعد أمك ، يمه اليوم ما تداوم مو

: اي يمه اخذت اجازة