غسـق اللـيل

BART 4

نبدأ بذكر الله ﷽🤎✨

شبــح اللـيل ♡

بارت 4

قراءة ممتعة...
:انت لاول بالبـدايه وبالاخيـر. ♡
.................................................

شجن..

افتر بالكلية روحي طاكة كعدت على الخضار جوة شجرة جبيرة مانعة الشمس
عني تنفست براحة طلعت مبايلي دخلت على الأنستا.

شوية وحسيت صار خيال كدامي رفعت راسي فتحت عيوني بصدمة

شجن-: هايي انتَ مرة ثانية ما تستحي لاحكني وين ما اروح..

أحمد -: ليش ما سمعيني نطيني فرصة احجي وياج صدكيني انا مو مثل بعض الشباب الي هنا..

شجن -:لا والله ضحكتني ليش انتَ فضائي وانا ماعرف؟

أحمد -: لا بس اوضحلج موقفي اذا افتر وراج مو معناتها انا مو خوش ولد..

شجن ابتسمت بستهزاء ورديت

-: لعد شنو معناتها؟

أحمد -: ممكن اهتمام او حتى حب!..

فتحت عيوني بصدمة وكفت لميت غراضي وجسمي كلة يرجف خزرتة وحجيت بعصبية

شجن -: دير بالك مرة ثانية تحجي وياي ترة اشتكي عليك ما تستحي انتَ..

مشيت وحس رجلية خدرن من كثر الخوف اتلفت خاف احد شافني والله اذا
شايار يعرف شحجة هذا يكتلة ويكتلني على الواهس.

بعد ما شفتة الحمدلله لحد ما رجعت للبيت انا ميتة تعب دخلت للمطبخ جوعانة.
حميت الأكل وكعدت اكل خليت بحلكي اول لكمة.

دخل شايار للمطبخ الوج بالكمة وحس اريد ابلعها ماكدر بلعت ريك اهدي بنفسي
فتح باب الثلاجه طلع بطل ماي شربة كلة شمرة بزبل

دار عيونة علية ابتسمتلة زغر عيونة بشك دنكت بسرعة اكل تقدم بتجاهي
سحب كرسي وكـعد مقابيلي اخذت نفس استعد

للكلام

شايار -: اي ست شجن شلونج؟

رفعت راسي ابتسمتلة من بين اسناني ابتسامة مزيفة

شجن -: الحمدلله زينة انت َ شلونك.

شايار -: ليش مرتبکة ؟

شجن -: هههههه ارتبك؟ لا ابد على شنو بس تعبانة من الكلية والمحاضرات بس هيج يعني..

شايار -: اممم فهمت يعني ما عدج شيء منا او منا؟؟

شجن -: لا ولعباس ابو فاضل ما عندي شيء ابد من الكلية للبيت ومن البيت للكلية..

رفع حاجبة رجع ضهرة للكرسي واردف بهتمام

شايار -: تمام روحي شوفي امج خاف محتاجة شيء..