غسـق اللـيل

BART 19

نبدأ بذكر الله ﷽🤎✨

شبح الليل

بارت 19

قراءة ممتعة.
🚫لا تنسون التصويت والتعليقات بين الفقرات
................................ ♡

طول الطريق افكر ثمار كافي ضعف كافي بجي فكري بخطه اتخلص منه وأنتقم بنفس الوكت..
وصلنه للبيت نزلت بسرعة كبل للحمام غسلت وجهي اخذت انفاسي..

رفعت راسي للمرايا اباوع على وجهي شلون متغيره بابا ماما تعالو شوفو بتكم حتى يمكن ما تعرفوها..
ياريت ميته وياكم ياريت..

طلعت للمطبخ لكيته يحضر الطاوله بقيت واكفه بالباب سألته بخفوت

- انتَ القتلت اهلي؟؟؟

رفع راسه يباوع عليه عقد حاجبه ورد

-: شهل حجي عروستي؟؟

- اتمنى مـ جذب عليه بس هل لحظة وكول الصدك انتَ القتلت اهلي ؟!

تقدم صار كدامي وحجه صاك على سنونه

-: لو انا صدك الكاتلهم جان كتلج ليش اجذب عليج؟ اخاف منج يعني؟!

- بس انا سمعت صوت الباشا مادري كاضم كلي كلشي..

-: جا غير رادج تكتليني وبنفس الوكت يتخلص منج ما سألتي نفسج منو صورج من اطلقتي النار عليه؟
لعب بعقلج ضرب عصفورين بحجر واحد !!

بقيت اباوع علي عيونه ما بيهن أي شي هيج مجرد فراغ غمضت عيوني هزيت راسي.
كعدنه ناكل..

مر اليوم عادي ثاني يوم صادف جمعه ماكو مدرسة كاعدين نتريك تحمحمت وحجيت بهدوء

- اريد اروح للسوك

-: شتسوين؟

- اريد اشتري شغلات محتاجتها وهم اطلع اغير جو..

هز راسه موافق شكد اكرهه يربي لبست ملابس الطلعه وهو هم.
بقينا ساكتين كل واحد منه عنده مشاكل واسأله براسه..

خله السياره بمكان مخصص الها نزل وانا ويا وهل مره ما خله ايده بيدي.
تمشيت بحريه شتريت تراكات وشغلات اريدها حتى سجاده وتربه شتريت..

طلعنه هوه بس يمشي حتى ما حجه شي دك مبايله نطاني ضهره وبقى يحجي..
لتفتت على الناس بقيت اباوع على المكان مثل الأحفضه براسي..

اكو اصوات تصيح
كربلاء
بغداد
نجف
وبعد هواي تقريبآ كل محافظات العراق مشيت
على الأصوات بس ايده وكفتني دارني علي خازرني