غسـق اللـيل

BART 31

نبدأ بذكر الله ﷽🤎✨

غسق الليل

بارت 31

قراءة ممتعة
⛔ لا تنسون التصويت ومتابعه لحسابي فضلآ وليس امرآ..
...................................... ♡

جواهر..

احساس غريب راودني احساس بشع يمكن راح اترمل وعلي يصير يتيم
الأب هذا اول شي خطر على بالي

كعدت مخليه ايدي على كلبي يا رب دخيلك شهل احساس الغريب نخبصنه خبص
صياح وبجي وانا بس صافنه ما حسيت اله على راجدي..

رفعت راسي فاتحه عيوني اباوع زينب واكفه فوك راسي عيونها بيهن نار
غمضت عيوني اصبر نفسي

زينب - كله من ورااج حقيره نذله والله اذا صار شي على ٱدم موتج على ايدي..

ما تحملت كمت رجعتلها الضربه وانا بقمة غضبي رجعت عليه تريد تضربني
متخبله وكفنه صوت الحجيه تحجي بحزم وصوت عالي

-: شهلل حركااات جهاال انتن

جواهر -: ما سويت شي بس هيه تمادت هواي بكلامها اذا مره ثانيه
تضربني اكسرلها ايدها

عفتهن ورحت للغرفه سديت الباب بقوه وبجيت تذكرت علي طلعت اركض
ماهو بصاله ادور بعيوني على كل ركن بالبيت كلبي بقى يلعب..

ثواني بس ثواني سمعت صرخته من المطبخ صيحت بسمه ورحت اركض
لكيته لازم ايده ويبجي حضنته اهز بي وأحجي متخبله

-: شبيك يا روح امك ليش تبجي اسفه نسيتك اشو خلي اشوف شبيها ايدك ماما

يبجي مختنك جريت ايده شهكت شفتي ترجف حجيت

-: منو منو سوه بيك هيج حبيبي لا تخاف حجيلي منو هيج مسوي بيدك ها.؟؟

شمر جسمه بحضني يبجي دخلت نور للمطبخ تحجي مستغربه

- شبي ابنج ليش هيج يبجي سكتي خطيه

عضيت شفتي ورديت عليها

-: مدري منو عاض ايده شوفي اسنان انسان جبير واضحه
والله اذا طلعت البالي والله انتحر بيها احركها وهيه عايشه..
كوم ماما كافي لا تبجي..

كومته غسلت وجهه

نور - ميخالف تحملي باعي تره هيه شوي مو بعقلها عقلها عقل جاهل
طنشيها ولا تردين عليها ديري بالج منها لا تخلين ابنج بعيد عنج لحد ما نشوف المصيبه الطاحت على روسنه..

جواهر -: انا فوتتلها هواي ضربتني كلت ميخالف عديتها بضربه بس علي
خط احمر هذا اعز من روحي شبيها هاي تره ابن اخوها وبعده جاهل شلون هيج سوت؟؟

نور - كتلج هيه عقلها عقل جاهل انا هم هيج جانت تسوي بجهالي تكرصهم لو تعضهم
تخليهم فارين من البجي كلهم يعرفونها مره فلاح طيح حضها.
بس هيه ما يفيد وياها الكتل