غسـق اللـيل

BART 22

نبدأ بذكر الله ﷽🤎✨

شبح الليل

بارت 22

قراءة ممتعة
⛔ تابعوني حتى نوصل الحساب الف متابع 😢

...................................

شجن.
بعد الصار حاولت اجنبه بكل الطرق وهوه متخبل حتى كلام ما رد عليه
وبيوم جنت بالمطبخ اسوي كهوه سمعت خطواته داخل للمطبخ.

سويت روحي مو مهتمة كل عاده سحب كرسي كعد وحجه

-: سويلي كوب كهوه وياج

رديت علي منطيته ضهري

- كوم انتَ سوي لروحك ما عندك ادين؟؟

-: يابه هيه غلطه وغلطناها وتوبه بعد كتلج تجنبي تعصبيني اسف وحقج عليه بعد شتردين..

درت علي رافعه حاجبي ضحكت بستهزاء ورديت

- والله يا ستاذ ضلام ما يهمني ابد ابد عصبيتك ماشي؟
ما يحقلك تضربني فاهم حتى لو زوجي فـ احنا زواجنا مجرد ورق لا اكثر..

رفع حاجبه ستقام من مكانه بقيت بمكاني تقدم اكثر صار مقابيلي مد راسه ضحك ورد

-: امم ادري تردين نتمم زوجانه.؟

- اا لا وخر وجهك

-:ههههه متأكدة؟

- ايي

هز راسه ووخر مشى منطيني ضهره وصل للباب وكف وحجه بجدية

ضلام-: اعتقد انا ما راح اكمل هذا الزواج انا رجال ويحقلي ازوج طبيعي.

- شقصدك؟

-: قصدي يا ست شجن انا شفت بنيه عجبتني بالكليه وعتقد هيه هم معجبة بيه من نضراتها واضح انتِ ما تحبيني ولا انا

لهذا السبب ليش نقنع نفسنه بزواج وهمي؟
بعد اسبوع راح اروح اخطب البنيه.
قبلها احنا منفصلين كليآ وكل واحد بطريق هذا افضل النا!!

كمل كلامه وراح بقيت جامده لحد ما وكع الكوب من ايدي فزيت بالعه ماي ريكي.
دنكت الم الكزاز عضيت شفايفي مسحت دموعي ليش ابجي؟

شجاج شجن ليمته صرتي تحبي؟!
لدرجة كلامه اثر بيه وحس نار شابه بصدري
اذا هوه بعد ما يريدني خلاص تقبلي الأمر الواقع لو صدك يحبني ما جان بسهوله يبيعني وعلى مود سبب حتى عيب احجي
هوه ما يحبني يحب جسدي لا اكثر

هزيت راسي ماسحه دموعي نضفت المكان وطلعت صاعدة لغرفتي سبحت وخلصت غطيت جسمي ونمت كعدت الصبح راسي يوجعني.
عيوني احس بيهن نار فركت وجهي بتعب اريد اكوم ماكدر
جسمي خدران صخونه دك بالعضم

بقيت على نومتي أون هواي اريد بس اصرخ احد يساعدني صوتي رايح.
بعد فتره حسيت بأيدين تتلمس راسي وصوته يحجي بقلق