غسـق اللـيل

BART 14

نبدأ بذكر الله ﷽🤎✨

شبح الليل

بارت 14

قراءة ممتعة.. متابعة لحسابي واتباد فضلا وليس امرآ♡
.........................................

شجن..

احس بشي على صدري كاتم انفاسي شعور اليتم مو حلو ابد صح ما اسمع صوتها بس مجرد روحها بالبيت هذا كافي يخليني طول اليوم سعيدة يمكن الشي الوحيد اليحزن هو شايار وتصرفاته

ماكدر ابرهن تصرفة وشلون يباوع برود كأنو كاعد ندفن نمله مو امه عجيب هل انسان حاولت افهم شي منه بس طول الوكت ساكت ويدخن..

ماعرف ليش ما ينطيي ردت فعل مجرد حجاره وواكفه وانا أنتهيت احس حيلي راح شفت امي ميته كدامي شعور الألم يراودني بكل مكان بجسمي !..

عيوني صارن حمرر ويحكني اباوع لوجهي صاير جوه عيوني سواد شلون اكمل باقي حياتي وانا وحيدة.؟.

مسحت دموعي غسلت وجهي مديت جسمي للجرباية اخذت نفس فركت وجهي بقوه حايره بزماني دك مبايلي اخذته زهراء تتصل عدلت صوتي فتحته وجاني صوتها

- الوو واخيرآ يمعودة صار بالي يمج شلون صرتي تردين اجيج للبيت..؟

-: الحمدلله زينه لا ماكو داعي خذيلي اجازه وياج الأسبوع هذا

- تردين الأسبوع كله؟

-: ايي مابيه حيل اداوم فدوة الكلبج

- بس هواي اسبوع هيج تروح عليج هواي محاضرات.

-: ميخالف عود اخذهن منج والله مالي خلك الدوام اريد اكعد وحدي ..

- تمام براحتج انا راح اخذلج اجازه امانه اذا تردين شي اتصلي عليه وانا كل يوم راح اتصل عليج وذا حسيتي نفسج تردين تحجين انا موجودة انتِ بس اتصلي تمام حبي.

-: ان شاء الله

- يله مع السلامة

-: الله وياج

تنهدت بتعب جانت الدنيا مغرب نزلت جوه البيت فارغ بلعت ريك رحت للمطبخ توضيت ورحت لغرفتها..

دخلت مديت مصلايتي واخذت قرآن بديت اقره وهدي الها صليت وخلصت ماعرف شكد مر وكت لميت مصلايتي طلعت بره صعدت لغرفتي..

لكيت مبايلي يدك اخذته شفته رقم جديد عضيت شفايفي يمكن صرت اعرف المن قبل لا افتح الخط ترددت افتحه لو لا ..