غسـق اللـيل

BART 30

نبدأ بذكر الله ﷽🤎✨

غـسق الليل

بارت 30

قراءة ممتعة
⛔ لا تنسون التصويت ومتابعة لحسابي فضلآ وليس امرآ..
........................................ ♡

-: عروستي عمتج هيه سبب موت امج

كلمات كفيله تخليني افقد عقلي ويتهدم كلشي بيه روحي تحترك جسمي
يرجف هدئت نفسي وحجيت

- جذبة جديده منك حتى تخليني اشفق عليك يعني؟؟

-: تؤ باعي عمتج شنو سوت من اجيتوها للبيت؟؟
طردتج انتِ وامج بوكتها
هيه جانت تكره امج باعي هيه هيه تعرف انا جنت خاطفج عروستي هيه اخذت مني
فلوس مقابل اخليج عندي وما تقدم بلاغ للشرطة اخذت الفلوس وشالت من المنطقه..
هيه وبتها..

عضيت شفايفي امسح بدموعي الـي مثل المطر ينزلن فركت صدري ناحيه
گلبي وحجيت مختنكه

- جذااااب واحد جذااب تسمعني انتَ احقر وأنجس بشر قابلته بحياتي

-: انا العلي كتلج بي باعي عروستي ساعديني هاا صيري وياي خليني اطلع من الضلام
دليني على الصح من الغلط حجيلي عن صلاتج عن دعائج عرفيني على ربج ..

- ما راح يسامحك الله تسمعني مهما سويت ما راح يسامحك..

-: مو كتيلي هو غفور رحيم؟؟

مسحت وجهي محتاره بقيت ساكته اباوع للغرفه متروسه كزاز زحفت
اخذت كزازه ايدي ترجف رجعت لمكاني وحجيت

- يمكن اذا اموت يخلص كلشي..

ثواني وسمعت صوته يحجي

-: باعي ديري بالج ديري بالج تسوين شي تسمعيني وداعت ربج
اصير زين بس اريد وكت اروح اتعالج هاا بعد شتردين
ما استاهل فرصه منج؟؟

مو مهتمه لكلامه

- اذا اموت راح اشوف اهلي وراح احجيلهم عنك وشنو سويت بيه

-: فتحي البااب
والله انتحر وراج تسمعيني اذا تحبين ربج لا تسوينها انتِ هم تتعذبين
مو يكولون الأنتحار حرام باعي ركزي وياي راح اخليج تعيشين طبيعي
مثل كل الناس بس فتحي الباب عليج الله لا تسوين شي لروحج..

ضحكت بصوت ورديت

- مو على اساس ملحد وما تعترف بـ الله شنو صار هسه؟؟