غسـق اللـيل

BART 18

نبدأ بذكر الله ﷽🤎✨

شبح الليل

بارت 18

قراءة ممتعة متابعة لحسابي فضلآ وليس امرآ

🚫 لا تنسون التصويت والتعليقات ضروري

............................... ♡

أنا أيضًا
لا أريد البُكاء
لكن " أريد أبچي "
هكذا بلهجة
المگاريد المريرة
لستُ حزينًا
لكنني عراقي
وهذا أفدح الأحزان
في الآونة الأخيرة.

-: عروستي منو جواهر؟؟؟

احس يبس الدم بـ جسمي فاتحة عيوني تنفسي عله اكثر واكثر..
بللت شفايفي وحجيت بهدوء

- منيه هاي؟؟

صوت ضحكة خفيفه دوت بأذني مسببتلي رچفه لكامل جسمي ورد عليه

-: انتِ كليلي منو؟ البارحة وأنتِ نايمة حجيتي اسمها !!

يما من حجه هيج رجع الدم لجسمي ضحكت بغباء وردين

- صد.. صديقتي من بغداد جانت وياي بنفس المدرسة امس تذكرتها يمكن بالغلط كلت اسمها..

-: اممم
ماشي يله اكلي تصرفج مال تجين وتنامين كبل وما تاكلين انسي تره نوب ما يصير خير ابد عروستي

- اوك بس وخر ايدك فدوة اريد اكل جوعانه..

هز راسه طبع قبله على ركبتي كمت بسرعة وانا مو مصدكه حجيت بتلكئ

- امم.. شسمه راح اروح ابدل ملابسي اذا تريد اتغده لا تنتضرني اني ابدل وجي..

-: روحـي

طلعت اركض للغرفة اخذت ملابس ورجعت للحمام زفرت انفاسي فتحت الماي.
والباب مفتوح طلعت على اصابعي دنكت للسجاده شلتها اريد اخذ الرساله.
الصدمة جانت ما موجودة !!

شلتها كلها للسجاده بلعت ريك بقيت صافنه فزيت على صوته يحجي برهاوه وصوت خشن

شبح -: عروستي تدورين على الرسالة !؟

بقيت مدنكه مو مستوعبه السمعته كأنما جسمي جمد رفعت عيوني علي ضهره على الحايط شابك رجلي بيده الرسالة فاتحها الهوه يداعبها..

وجهه كدام ما يباوع عليه غمضت عيوني عضيت شفايفي بقهر مايفوته شي شلون هيج ؟؟
عدلت وكفتي بخوف كمل كلامه بكل هدوء بس هذا الهدوء ما قبل العاصفة

شبح -: عروستي هل مره العقاب غير !!

فتحت عيوني بخوف هزيت راسي بلااا وحجيت بسرعة..