غسـق اللـيل

BART 15

نبدأ بذكر الله ﷽🤎✨

شبح الليل

بارت 15

قراءة ممتعة.
الشيئ الغريب اني لم اعد اشعر بشي !!
.......................................

جواهر..
طفلة انا لم اذق معنى الطفولة..
تائهه.. معنفه.. مغتصبة.. كل هذا وانا بعمر لم يتخطى الـ 20 سنه
اتهمت بجريمة لم ارتكبها بين ليلة وضحاها اصبح مقيدة!!
كيف ذالك؟؟

بين جدران العائلة انا مُعنفه..
في الشوارع تائهه..
بين قضبان السجون مغتصبة..
اصبحت رماد اجمعت شتات نفسي وأقسمت ان لا يمر على جسدي ضعف..
لن اضرف دمعة بعد الأن عدت امرأة متكونه من رماد احرق كل من يقترب مني !!.

مثل كل يوم جنت صافنه ومدده على الجربايه عقلي بي افكار هواي قاطع
تفكيري وهدوئي فتح الباب دخلت حمديه وياها بنيه واضح من ملامحها خايفة عيونها حمر .!

باجيه هواي جسمها يرجف اديها مشخطه ملامحها بريئة عقدت حاجبي
وانا اشوفها تفتح اديها حجيت بصوت عالي وعترضت على وجودها.

ما حب احد يشاركني الغرفة بس حمديه الضاهر من صدك اعلنت الحرب شكد
اكرهه هيه الوحيدة الـ واكفه بالعومي ما تنشره بفلوس مثل الباقيات !!

خزرتني وطلعت تنهدت اباوع للبنية تتلفت وخايفة يا ترى شنو تهمتها؟ مبينه
ما متعودة على هيج مكان بدون كلام مدت جسمها ونامت غطت حتى راسها..

رفعت حاجبي كمت طلعت بره الغرفة رحت لغرفة سليمة ومديحة ذني من
اول ما اجيت هنه اول ثنين ثقيت بيهن فزن يباوعن على الباب شافني ستغربن سديت الباب كعدت على الجربايه وحجيت

جواهر - اجت بنيه جديدة

سليمة - صدك !

مديحة - وينها ؟

جواهر - حمديه خلتها بغرفتي اريد منجن تجيبلي معلومات عنها اول ما يطلع
الصبح

اسمها وتهمتها حتى نعرف شلون نستخدمها صح راح تفيدنه مبين فقيرة وعلى نياتها..

مديحة - صار بس شعجب رضيتي تخلينها بغرفتج..!؟

سليمة - اذا تردين خليها هنا

جواهر - لا خلنها مبين ما تسبب مشاكل

- براحتج

هزيت راسي وطلعت زفرت انفاسي بهدوء رجعت للغرفة شفتها بسابع نومة
كأنما ما نايمة قبل
تمددت بفراشي بدون غطى تنهدت غمضت عيوني مستسلمه للنوم..

ثاني يوم كعدت بعدهي نايمة بفراشها ضحكت خليها نايمة وراها شغل هواي
طلعت بره غسلت كعدت بممر الأستراحه.

متانيه يجيبلي المعلومات عنها لازم اعرف كلشي عنها قبل لا تكعد دقايق
شفت مديحة تركض بتجاهي ضحكت عليها بداخلي