غسـق اللـيل

BART 6

نبدأ بذكر الله ﷽🤎✨

شبح الليل

بارت 6

قراءة ممتعة..........................................

- لا شيء يَستحِق أن تهتز أرواحنا لأجلهِ ،
نَحنُ نَستحِق الحُبّ وَ كثِيراً مِنْ الدَلال .
...................................................

في مكان يطغو علية اللون الأحمر وضوضاء يجلس رجل في بداية عقدة الـ الأربعين.
يناضر المكان بكل برود دخل شخص للمكان تقدم

بخطوات رسمية راسة للأرض وكف كدامة واردف بكل رسمية..

-: باشا وصلتنة معلومات من منضمتنة الشغلة بعدهي تنفتح رغم صار الي نريدة..

ضغط على ايدة بقوة واردف يحاول يهدي نفسة..

الباشا -: منو الي يفتحها اذا صار الي نريدة ؟

-: زوجتة باشا بعدهي ورة الموضوع شاگة الي صار مؤأمرة..

الباشا -: وين هية هسة؟

-: باشا هية على حسب علمي وصلت البصرة..

الباشا -: حلو يعني هية اجتنا برجليها ماكو داعي نروحلها.. وين بيتها.؟

-: باشا بعدني ما متأكد بس اعتقد بمنطقه*** .

ابتسم ابتسامة شيطانية هز راسة واردف

الباشا -: تمام تأكدو من الوضع اهم شيء ينسد هذا الموضوع للأبد شوفلي مكانها وين تروح راقبها زين..

اخذ مبايلة خلاة على اذنة اجاة صوت

ضلام -: هلا باشا..

الباشا -: شبح وين..

ضلام -: شدراني شايفني قرينة مثلآ

الباشا -: اكل خرة دك علي كلة الباشا يريدك يجيني بأسرع وكت عدي شغلة مهمة وياة..

ضلام -: تأمر باشا..

............................. ♡

حنين.. بعد ما امي طردت ثمار وأمها دخلت للبيت متخبلة ليش هيج سوت؟
اول مرة اشوفها هيج خايفة احاجيها وتلزكني بالنعال.

دخلت لغرفتها كاعدة بالكاع مخلية بحضنها صندوكها القديم.
ناثرة صور تشم بيهن تبوس وتبجيي كعدت يمها ..

مديت ايدي اخذت صورة جان بيها بيبيتي وامي واحد لابس ملابس شرطة مدري جيش.

حنين -: يمة منو هذا؟.

رفعت راسها تنهدت وردت علية بصوت خافت

-: هذا خالج هشام..

شهكت مخلية ايدي على حلكي هسة عرفت ليش هيج تسوي من اسألها..

حنين -: ليش ما شايفتة؟ ليش جنتي تضمين علية.. يمة دخيلك يعني البنية تصير بت خالي يمة صدك تحجين ليش طردتيهن من البيت وين يرحن هسة..