لا أعرف المستحيل

البارت العشرون

#لا أعرِفُ المُسْتَحِيل # زَهْراء مُهَنَّد

وكل كسرٍ لعلَ الدهر يجبرهُ .. لكنَ كسر قلوب النساء لا يجبرُ ومشاعرهنَ ليست عظاماً تُجَبر ولكنها أحاسيس تُقهر وتُكسر .. فرفقاً بها .

.........................

أيان ..

اليوم موعد جلستي وية الدكتور وهالمرة ممتوتر بالعكس متحمس احچي وية الدكتور لأنُ بهذيچ الجلسة من حچيت وياه ارتاحيت

سبحت وبعدها بدلت ونزلت

_ اليوم عندي شغل ويمكن اتأخر فلا يظل بالكم

حچيتها لأهلي وبعدها طلعت ووقت ووصلت للعيادة
دخلت سلمت ع الدكتور وحچينا بأمور عادية

_ الحمد لله التحسن ملحوظ عندك ، شنو رأيك نسأل ونجاوب ع كم شغلة ؟

_ تفضل اسأل

_ من بعد الحادثة گلت انُ صار عندك رهاب من الذكور

_ اي تقريبًا بس چنت طالب جامعي وغصبًا عَليَّ اختلط بالطلاب فمو كلش اثر عَليَّ وهسة مبقى عندي بس بعدني قليل الاختلاط وياهم حتى زملائي بنات

_ وهم تتضايق من احد يلمسك ؟

_ كلش اتضايق وابسط ملامسة تزعجني وحتى اذا چانت من اخواني،  ريان عادي متعود عليه بس مرة اخوية الثاني اجة نام يمي بفراشي فبس صار قريب عَليَّ تضايقت واختنگت وبعدته وهل الحالة صارت قبل فترة مو بطويلة

_ وشنو السبب اللي يخليك تتضايق ؟

_ اني حچيتلك الحادثة فأعتقد شي طبيعي اكره التلامس وهل الشغلات بعد القرف اللي عشته

_ صح بس هاي الحادثة صارت قبل 6 سنوات واكثر وشي صار وخلص المفروض انتَ هسة متجاوزها

_ اني محچيت عن البداخلي لأحد والشي اللي صارلي بقى حسرة وغصة تاكل بگلبي ، اني لو مراجع دكتور بالبداية چان تجاوزت اللي صار بس اني بقيت كابت بگلبي لحد ما القهر نهش نفسي

_ اهدأ وجر نفسي عميق لتنفعل

سويت اللي طلبه

_ صار عندك رهاب مرتفعات او لا ؟

_ اي بس گدرت اتجاوزه بفضل صديقي هو خلاني اواجه خوفي وظل ياخذني كل اسبوع لمكان مرتفع او لعبة مرتفعة فما بقى عندي هل الرهاب ، الرهاب راح وهو  راح

من حچيتها تغيرت ملامحي وهو انتبه

_ الله يرحمه، لتضوج هو يشوفك ويحس بيك ومن تضوج هو يضوج اكيد انتَ متريده يتأذة بسببك