لا أعرف المستحيل

البارت السابع الجزء الثاني

#لا أعرِفُ المُسْتَحِيل # زَهْراء مُهَنَّد

أيليان ..

حچيتها وطلعت بالسيارة افتر، ممرتاح ابد ممرتاح
أريد أعرف شنو السبب مـ دأعرف

رحت لمكان أحب أگعد بيه وبقيت شارد وحدي، أتمنى
اخابر واحد من اخواني ويجيني أحچي وياه واعدل مزاجي بس همَ زعلانين مني ، بهل الفترة مخليتلي شخص بصفي ، أهلي زعلانين وإلين مطايقتني وأيان من بعد موقفي البايخ وياه مثگل وجهة عليّ ..

أحسن شي اروح لأهلي هسة صح راح يفهمون متعارك
وية لُجين بس أريد اصالحهم حتى لو يحچون ، اني ممرتاح لان هم مراضين عليّ

صعدت بالسيارة وتوجهت لبيت أهلي، دخلت لگيت عماتي وابوية وأمي وريان وعائلته بالصالة سلمت عليهم وگعدت

أم ياسر : شنو شو العريس هنا مو لازم يم زوجتك هسة

أيليان : خلصت العليّ وأجيت أشوفكم اليوم مصحتلي فرصة
اگعد وياكم

حچيتها وريان گعد يمي

ريان : ايلي شبيك مو ع بعضك اليوم ؟

أيليان : گوم نروح للحديقة

حچيتها وهو گام، استرخصنا منهم وطلعنا للحديقة

ريان : شكو من شنو مزعوج ؟

أيليان : ريان ممرتاح من يوم العرفتوا بزواجي واني ممرتاح
وحتى زوجتي ممرتاح وياها يومية عركة بينا وبدون سبب يستوجب وابسط شي قبل شوي تعاركت وياها وطلعت وع شي ميستوجب كُل هل العصبية

ريان : حل وياك تعرف ليش

أيليان : ليش ؟

ريان : لأن اهلك مـ راضين عليك ، تعاركت وياهم وصحت بيهم ومسمعت كلامهم فشي طبيعي متتوفق وشي ثاني إلين كسرت گلبها وقهرتها وما دام هيَ ممرتاحة انتَ هم مراح ترتاح

أيليان : من ناحية اهلي فعلًا اني غلطان وأعترف بس إلين اني مغلطان وياها واللي سويته بيها هيَ تستاهله وياريت لو اگدر اسوي الاكثر منه بس حتى اشوفها مقهورة

ريان : ليش شنو مسويتلك حتى هيچ تتمنالها الاذية ؟؟

أيليان : ممسويتلي شي بس هيچ خباثة

ريان : شنو خباثة أيليان احچي شعندك وياها ؟

أيليان : شي ميخصك

ريان : هاا هيچ لعد لتگلي ممرتاح ومدري شبية اذا انتَ
ع قارورتك تخبث فشلون ترتاح

أيليان : لا ما أرتاح ولا راح أرتاح لأن تزوجت ، اني چنت رافض فكرة الزواج وملتهي بشغلي ومرتاح أهلك خبصوني تزوج تزوج وهاي نتيجة الزواج، زوجتين عندي وكُل وحدة تجيبلي عكرة المزاج لو طارت