وإذا البشائرُ لم تَحِن أوقاتها
فلِحكمةٍ عندَ الإله تأخرتْ
سيسُوقها في حينها فاصبرلها
حتى وإن ضاقتْ عليكَ وأقفَرتْ
تجري دموع اليأسِ منكِ وربما
عند الصباحِ ترى البشائرَ أنورَتْ
فغداً سيجري دمعُ عينكَ فرحةً
وترى السحائبَ بالأماني أمطرَتْ
وترى ظُروفَ الأمسِ صارت بلسَماً
وهي التي أَعيَتْك حينَ تعسّرتْ
وتقولُ سبحانَ الذي رفعَ البلا
مِن بعد أن فُقد الرجاءُ تيسرتْ
عرين الصياد بقلمي شذره
بيت الشيخ علوان
نشمي : ها عمي شاكر شلونك
شاكر : هله بيك روح ناد امك بساع
نشمي : يمااااا
كواكب : خير اللهم اجعله خير
شعندك تواعي لازم جعت
نشمي : سبحان الله كلمن عدوه بين عينه
اي اني جاتلني الجوع من گاعي
تعاي عمي شاكر يناديج بالمطبخ
يگول خل تجي بساع
كواكب : ها خي شاكر شلونك
شاكر : هلا بيج ام نشمي ولو ازحمج
بس هيرولي الريوگ بساع وانا اخوج مستعجل
كواكب : اي اخوي بس اخبز
عرب : صباح الخير يربعنه
شاكر : هله بهالصباح
عرب : شو جيت لازم گضت المهمة.
شاكر : لا ما گضت جيت اخذ ريوگ للولد
عرب : هم راح ترجع على بيت الملا انوب والله مناجيد اذا عرفو نراقب بيتهم وعدهم بناويت وين ننطي وجوهنه بين العربان شجاه صياد
شاكر : اي والله مناجيد محد يرضاهه على عرضه بس شسوي صياد يجيب ويوصي
خليت الولد يراقبون بمكاني وجيت اخذلهم الريوگ وگلبي ظل غادي اگلك خوما ابويه فگدني
عرب : اي والله فگدك وجذبنه علي واهجسه ما صدگ
شاكر : الله يسامحك صياد خليتنه نراقب بيوت العالم وگمنه نجذب على ابونه الله يسامحك
عرب :ما تفهمني صياد شنهي سالفته شعنده ويه بيت الملا الليل كله افكر ولا گضبت خيط راح يخبلني صياد قسم بالله
أنت تقرأ
عرين الصياد
Actionقصة اجيال حقيقة% باللهجة العراقيه الدليميه بقلمي شذرة العدوان ذئبة عنيده ولدت من رحم الغدر والخيانة كانت لنفسها درعً حصين بنت لنفسها من ركام الحرب قلعة تعصف بها رياح القدر في عرين الصياد الذي لا مفر منه فهل ستكسر قضبان الأسر وتهرب من قبضة ا...
