السلام عليكم شلونكم وعساكم
دوم بخير وصحة وسلامه يارباول شي شكرا من قلبي على اهتمامكم بيه وحبكم للقصة وانتظارها هاذ الشي يسعدني ويشجعني
ثاني شي عندي توضيح بسيط بخصوص
الأبطال اولاً ليال وعقلها الطفولي
والله مجاي ابالغ هيه هاي شخصيتها وهاذ طبعها
حسب ما سمعت
سعاد تعبت وياهه جثير تا خلتها تكبر وتعرف اداري امورهالهسبب سعاد اكلت همها من حبلت
تگول شلون راح اداري جهالها وهيه بعدها بعقل الجهل من حبلت عمرها جان 15 بنات بگدها شايلات حمل بيوت وحدهم بس ليال تختلف
ما تخليها شكحه تشتغل وياهن اتنگس منها
لو تروح تگابل حجرتها وتلعب باللعابات لو تگابل سعاد وهيه هاي ذبتها صارت عشرينيه وبعدها فطيرهثالث شي بخصوص السنين الي طفرتها
اني طفرتهن عبن ما بيهن احداث شحجي بيهن يعني روتين مثل كل يوم اكلو نامو شربو وحياة عاديه جداًالتعليقات ناس تريد اسرع الأحداث واختم القصة
وناس تريد اخذ راحتي بالسرد
وناس تگول لا طولين ما نريد مللهاذ الشي اني ما اديرله باله جاي اكتب القصة
مثل ما هيه وما ضفت اي شي اخفيت منها جثير شغلاترابع شي اللهجة تختلف بين منطقة ليال ومنطقة الصياد يعني مثلاً ديرة ليال يگولون( دحگ واكل والزم وخصر )وديرة الصياد يگولون( دحج واجل ومحزم )وبعد جثير مصلطحات تختلف بينهم
رغم همه كلهم دليم ونفس المحافظهخامس شي الشخص الي ماله دور بالقصه ما احجي عنه مثلا معاضد ام البنات ما الها دور فقيره وما بيدها شي شحجي عنها قابل
اما جاهد وجوانه بعدهم زغار وهسع يالله كبرو وراح تصيرلهم مواقف
ارتكازي عالأبطال الأساسين ما اريد تصير هوسه
وما احجي طفولتهم وحياتهم العاديه الي كلنه عشناها كل بطل ابلش ويا من حدث بحياتهاتمنى فهمتو وهاذ مشهد زغيرون لعيونكم
مــــشـهــد من المستقبل
ليال : ليش قفلت الباب شتريد مني وخر خليني اطلع
صياد : شايله الخنجر عليه تريد تذبحيني
ليال : جاوبته بشهگه ودموعي تصب اي اكتلك يا ويلك تگرب عليه والله اموتك
قلص عيونه ويدحگ عليه يحد بسنونه گرب مني
خفت وتراجعت وره وراهنته بالخنجر ايدي ترجف
انحصرت عالحايط
حط ادينه عالحايط حاوطني والخنجر صار بصدره
صاك على سنونه ويحجيصياد : شنهو ظل بيه وتكتلينه يا ليالي
سنين صارلج تذبحين بيه وريتي گلبي وشليتي حاليعذبتيني وشيبت گبل حيني
شظل وتكتلينه يالذيبه اني مذبوح بيج لياليليال :ضرب ايده بالحايط بصف وجهي وگال
صياد :ارحمي عزيز قومً ذله العشگ ليااالي
ليال : ارتعبت جسمي كله يرجف لزمت الخنجر بديني ثنين وابلع بريگي اريد ادافع عن نفسي شفتي ترجف
امتمت
ـ وخر عني تره اموتك والله ما اخاف اني اسويها
واتعدها كافي عذبتوني شسويتلكم انيي ما احبك خوش ما اريدكسحب ايدي وحط الخنجر على رگبته مدنگ عليه گصته على گصتي ويتنفس سريع
صياد : يالله اذبحيني يا ذيبتي
لا ترجفين اذبحيني اذا ردتي الخلاص مني
مزال بيه نفس ما اهدج ولا اعوفج انتي ملكي ان رضيتي ون ما رضيتيبس الموت يخلصج مني
ما صبرت كل هاي السنين تا اعوفج واخليج تروحين انتي مزروعه بيه ساكنه هين وهينليال : يأشر على عقله وگلبه اخذ الخنجر من ايدي ولگحه سحبني وحاوط خصري بأيده وبيده الأخرى حضن ضهري عصرني دفن راسي بضلوعه ويهمس يم اذني
صياد : اليوم اطفي نار گلبي كافي صبر
ليال :كسر عضامي حاضني بكل قوته گمت افالت منه مو بشر هاذ حديد علت شهگاتي اصيح عوفني بحالي حرام عليك ما اريدك اني لو تظل بس انته بالدنيا ما احبك ولا اريدك اموت روحي
باسني بأثمي حسيت شفتي انشلعت
گمت اشيل بروحي وارجد واضرب برجليني بالگاعهدني مسحت اثمي وقرفصت بالگاع وابجي
ـ حرام عليك تسوي هيييج بيه شسويتلك انييي شسويتلك
اريد جهالي وينهم خليني اروح امانه جهالي هسع يدوروليابجي واشاهگ والم بروحي خايفه منه
گمت ادور عالخنجر گمت بساع رحت شلته ورهنته انوب وعزمت اذا ما خلاني اطلع اموت روحينشيل ما نظل 💔
أنت تقرأ
عرين الصياد
Actionقصة اجيال حقيقة% باللهجة العراقيه الدليميه بقلمي شذرة العدوان ذئبة عنيده ولدت من رحم الغدر والخيانة كانت لنفسها درعً حصين بنت لنفسها من ركام الحرب قلعة تعصف بها رياح القدر في عرين الصياد الذي لا مفر منه فهل ستكسر قضبان الأسر وتهرب من قبضة ا...