وهل يأتيني الشوق بمن اتوق له
وهل يرحم الحب قلبي واضلاعي
نار الشوق تلهف لا دخان لها
والحطب كبدي قلبي واضلاعي
احبه واشتاق ضمه وعناقه....
لأخبره عن حالي واوضاعي
إن للضم كلمات لم اعرف كتابتها
وان لم اخبره بها زادت اوجاعـي
عرين الصياد بقلمي شذرة
ليال : واگفه انتظر زهور تخلص اكل ويه وادي تا اروح اسأله شسوه ما سوه ادحگ علي مركز بزهور ويبتسم
گالو عنه نحس ما يحب احد ياكل ويا وهاذ عزمنه اني وزهور تا نتريگ ويا
بس اني لايبه روحي مگدر اكل واني افكر وقلقه
دله : اگلج زهور مو توج كركتي الدجاجه
ليال : جاوبتها زهور وهيه تلف بيض وتاكل
زهور : اي ليش
دله : توني وديت فضايل الأجل للدجاج
وشفتها بره تگاگي ومذعوره
ديالا : حفزت زهور وطلعت ركض تشوفها
شويه واجت تنادي واعصابها نار
جفتت علينه بالمطبخ وترجد بروحها
وتصيح على وادي
زهور : انته طبيت اخذت كرك الدجاجه الله ينكبك
اليوم اخلي ابو نشمي يگضي بيك التوبه
ديالا : طلعت زهور تا تهيم صياد
وهاذ وادي ظل ياكل ولا همه شي
كواكب : ليش وليدي سويت اجان مو حلو منك هالتصرف
ديالا : ما جاوب ولا حجه شي شبع
وگام غسل ادينه وطلع فات من يم ليال يبتسم
ليال :هاي عود زهور كركت الدجاجه بحظي تا زعم حظي حلو... هاي ليش سويت هيج مو خطيه
ما جاوب كمل طريقه بره
ديالا : اجت زهور وهيه تبجي جتفت اديها وتفتر بالمطبخ وادردم
زهور : هينه لك يا وادي وين تروح مني خل يجي
ابو نشمي من يم الشيخ اني اعلمك
دله : ليش ابو نشمي راح عالشيخ
زهور :اي دز علي توه وراح
دله : خوماكو شي شعنده دز من الصبح گبل الريوگ
زهور : شمدريني خلي يجي هسع مزال گلبي يفور
اذا ما ازوعك حليب امك يا وادي فلا اتسما زهور
ديالا : ابو نشمي راح عالشيخ وما رد وربعنه تريگو وكلمن على شغله ومدرستة
أنت تقرأ
عرين الصياد
Actionقصة اجيال حقيقة% باللهجة العراقيه الدليميه بقلمي شذرة العدوان ذئبة عنيده ولدت من رحم الغدر والخيانة كانت لنفسها درعً حصين بنت لنفسها من ركام الحرب قلعة تعصف بها رياح القدر في عرين الصياد الذي لا مفر منه فهل ستكسر قضبان الأسر وتهرب من قبضة ا...
