لا تحسب الحبَّ قولاً قد يُباح بهِ
فالحبّ روحٌ بماءِ الخلدِ قد جُبلا ..!
فيهِ الخِصامُ و قربٌ أنت صانِعهُ
فيه الحياةُ كماءِ الغيثِ إن نَزَلا ...
فيه الحنانُ و نورٌ ليسَ يحمِلُهُ
إلّا الكريمُ و نِعمَ الحَملُ إن حُمِلا
إنّ الوجودَ بِلا حبٍّ كأنّ بهِ
موتٌ وهمٌّ و قد جاوبتُ من سَألا ..!!
لقائلها
عرين الصياد بقلمي شذرة
ديالا :وگف شاكر يدحگلي مبهوت عوزه يبجي
جنت متانيه ينكر ويگول جذب هاي مو مرتي
واني مستحيل اكسر گلب غاليتي
اتوسله بعيوني انكر امانه
دحگلهم كلهم واگفين كل الشمات موجوده
لا تكسرني شاكر اترجاك
ذبحني التفت على هديل وعاط بيها
شاكر : ما گتلج ممنوع اطبين هاذ البيت
ليش كسرتي كلمتي
هديل : لاگحني صارلك اشهر ما اجيت علينه
ادري اني ما اهمك بس على اقل تعال شوف ابنك
تمرض وصل الموت وابو ما يدري عنه
شاكر : روحي يا هديل انتي طالگ طالگ طالگ
بالثلاث حت ابنج ما اريده
ديالا :وگعت من طولي
التمو عليه البنوات لزموني اريد اصيح والطم واشگ ثوبي مگدر تربطت بين المصدگه وبين اجذب الي جاي اشوفه بعيوني ظليت بصدمتي
سعاد : شلون جنه مرتاحين يربي منين اجت هاي الصگعه كلشي جان بالحسبان الا شاكر ياخذ على ديالا كلها تدري بي شگد يحبها عوزه يعبدها لو مو حرام
انخرطت ديالا من طولها وانصدمت وهديل گامت تصيح بعلو حسها تلطم وتحجي
وترجد بروحها عبن شاكر طلگها
سدت اثمها كواكب تا محد يسمع حسها الزلم كلها بالطرمه
تالي سمعو واجو ولد عمامي كلهم
اولهم صياد فات يگز على سنونه
ربعنه من شافو كلها سكتت يدحگ عليهم يريد ياكلهم
صياد : شنهي هاذ الحس العالي منهي بيجن الي صرخت شكوو
سعاد :دحگ على هديل شايله ابنها وتبجي
تفحص الناس كلها وجان يشوف ديالا گاعده بالگاع وصافنه
ويمها دله وزهور عگد حواجبه
وعاط بيهم بصوته الي يرج
صياد : شبلاكم شصاير شنهي هاذ الصياح
وهاي المراه منهي وليش تبجي
وديالا شبيهااااا
سولفو لا انعل هديااااكم
سعاد :محد يستجري يسولفله ربعنه كلها مدنگه
اجت هديل وگفت گدامه وهيه تشاهگ
هديل : انته ابو النشمي صحيح
اني هديل مرت اخوك شاكر تزوجني تا اخلفله گالو مرته ما تحبل وافقت ورضيت اتزوجه علمود الضنه وهاذ جبتله وليد
حبلت مرته ومعد شفته والله يخوي واجيت تا ابوكم الشيخ يلگالي حل تالي اخوك طلگني لييييش بناويت االناس الها حوبه واني يتيمه مالي احد
أنت تقرأ
عرين الصياد
Actionقصة اجيال حقيقة% باللهجة العراقيه الدليميه بقلمي شذرة العدوان ذئبة عنيده ولدت من رحم الغدر والخيانة كانت لنفسها درعً حصين بنت لنفسها من ركام الحرب قلعة تعصف بها رياح القدر في عرين الصياد الذي لا مفر منه فهل ستكسر قضبان الأسر وتهرب من قبضة ا...
